Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

История успеха
Майа ыала тэлгэһэтээҕи дьоҕус зоопарканы үлэлэтэр
10 августа 2021

Майа олохтоохторо Дмитрий Иванович уонна Ирина Титовна Карповтар дьону-сэргэни, оҕо-аймаҕы үөрдээри дьиэлэригэр мини-зоопарка тэрийэн үлэлэтэллэр. Бэһис сылын араас көтөрдөрү, дьиэ кыылларын хото иитэллэр, быйыл сайыҥҥаттан олохтоохторго уонна ыалдьыттарга анаан бэрт бырайыагы толкуйдаатылар. Икки сыл анараа өттүгэр илиҥҥи Майаҕа Карповтарга бара сылдьан сөҕөн-махтайан кэлбиттээҕим. Кустар, хаастар, индюктар, дьикти көтөрдөр ‒ цесаркалар, козалар, куруолуктар, тэлгэһэҕэ үмүөрүһэн, кэлбит киһини сонурҕаан көрсөллөр. Быйыл өссө сибиинньэлээхтэр, быыкаайык чооскулар киһи болҕомтотун эмиэ тардаллар. Карповтар түргэнник ситэр салааны биэс сыл анараа өттүгэр тутан, баай, иҥэмтиэлээх бородууксуйаларынан хааччынан, быр-бааччы тэринэн олороллор.

Урукку сылларга Карповтар сүөһү тута сылдьыбыттар, ол эрэн оттуур сир-уот тиийбэт буолан, түргэнник ситэр салаанан дьарыктанар буолбуттар. Саха боруодалаах кууруссаттан саҕалаан, билигин көтөрдөрүн көрүҥэ араас, тус-туһунан моһуоннаахтар, бэйэ-бэйэлэригэр майгыннаспаттар. Кыыллары-сүөллэри, көтөрдөрү көрөллөрүн таһынан, кэлбит ыалдьыттар Карповтар тэлгэһэлэригэр тупсаҕай бэсиэккэҕэ олорон, чэйдиэхтэрин, ас аҕалан аһыахтарын, оҕолоро былаһааккаҕа оонньуохтарын сөп. Киирии билиэт сыаната оҕолорго уонна улахан дьоҥҥо 100 солк. Үстэригэр диэри босхо.

Ирина Титовна мини-зоопарка туһунан сырдатта.

‒Бу мини-зоопарканы тэрийии туһунан сааскыттан толкуйдаан үлэлэттибит. Анал күрүөнү-хаһааны, оҕо оонньуур былаһааккатын хаһаайын бэйэтэ кыра кыралаан оҥорбута. Быйыл бэсиэккэни уолбут көмөлөһөн оҥорбуппут. Субсидия, көмө, үбүлээһин диэни туһамматахпыт. Көтөрдөрбүтүн, кыылларбытын оҕолор эмирийэн, томуруйан, аһатан, наһаа минньигэстик кууһан, сыллаан бараллар. Элбэх киһи кэлэн көрөн, астынан, махтанан бардылар. Онон мини- зоопаркабытын кэҥэтэр былаан элбэх, туох эмэ үбүлээһиҥҥэ тиксэрбит буоллар диэн баҕа санаалаахпыт.

Интэриэһинэйэ диэн, мини-зоопаркаҕа Карповтар сиэн кыыстара Амелия бэйэтэ кэпсээн, экскурсияны бэрт сэргэхтик тэрийэр. Онон ыалдьыттар билбэтэхтэрин билэн, көрбөтөхтөрүн көрөн, астынан бараллар. Мини-зоопаркаҕа кэлбит дьон, үөрүүлэрин бу курдук үллэстэллэр: «Манна сылдьан оҕолорбут сэргэхсийэн, бэйэбит да дьикти көтөрдөрү көрөн астынан кэллибит. Сиэннэрэ Амелия наһаа үчүгэйдик кэпсиир эбит. Көтөрдөр дьүһүннэрэ хайдах уларыйарын, куттанахтарына хайдах буолалларын, наҕылыйа сылдьар кэмигэр индюк хайдах дьүһүннэнэрин, харахтарын өҥүн барытын сиһилии кэпсиирэ сөхтөрдө. Өссө элбэх оҕо-аймах билиитин-көрүүтүн кэҥэтэн, дьоһун хаһаайыстыбалара кэҥээн истин диэн алгыыбыт», уонна «Биһиги сиэннэрбит Карповтар дьиэ кэргэн тиэргэннээҕи зоопаркаларыгар сылдьан көтөрдөрү, кыыллары астына-дуоһуйа көрөн, сыырга сырылаан, хачыаллаан үөрэн-көтөн кэллилэр. Улахан махталбытын тиэрдэбит».

Мини-зоопарка үгүс киһини угуйан, сайдан, кэҥээн, Майа киэн туттар биир бастыҥ ыалын ыра санаата олоххо киирдин.

Подробнее: https://ulus.media/article/20262