Аллыҥа нэһилиэгэр «Ал-Су» переработка сыаҕын бородууксуйатын улуус дьоно астына атыылаһар. Бу сыахха технолог Елена Викторовна Гоголева, лаборант-маастар Оксана Леонидовна Никифорова, оператордар Иннокентий Григорьев, Дмитрий Анисимов уонна сайыҥҥы кэмҥэ эбии биир оператор Петр Иванов буолан үлэлии сылдьаллар.

Быйылгы сылга «Ал-Су» СХПК 280 тонна үүт тутар былааннаах, ол иһигэр сайыҥҥы 4 ыйга 165 тн., ол эбэтэр сыллааҕы былаантан 60 % буолуохтаах. Билигин күҥҥэ 1200 лиитэрэ үүт тутулла турар, ол үүттэн хас да араас үрүҥ ас бородууксуйаны оҥорон таһаарабыт, ол курдук сиир арыы, үүт 3,2 %, сүөгэй 34%, 40%, сметана, творог, йогурт, кефир, быырпах, сыыр. Сайыҥҥы бириэмэҕэ маҕаһыыннарга үрүҥ ас сыаната түһэн, маннык буолла:

• Сиир арыы 1 киилэтэ – 540 солк.
• Үүт 3,2 % 1 л – 70 солк.
• Сливки 34% 0,5 л т/пак. – 180 солк.
• Сливки 40% 0,5 л т/пак. – 200 солк.
• Сметана 10% 0,5 т/пак. – 150 солк.
• Творог 3% 0,45 кг контейнер 115 солк.
• Творог 9% 0,45 кг контейнер – 120 солк.
• Творог 18% 0,45 кг контейнер – 135 солк.
• Йогурт 2,5 % 0,5 т/пак. – 50 солк.
• Кефир 2,5 % 0,5 т/пак. – 45 солк.

Тоҕо түстэ диир буоллахха сайын үүт элбээн, заготовителлэр эмиэ түһэрэллэр, ол рынок сыанатын регулировкалыыр. Былырыын 2019 с. сайыҥҥы ыйдарыгар 157,7 тн үүт туттарыллыбыт буоллаҕына, быйылгы былаан 7,3 туоннанан элбэх. Сүрүннээн Аллыҥа нэһилиэгэр НЖСХПК «Тэрис» чааһынай ыаллартан хомуйан уонна ИП «Амонова Д.В.» сайылыктан аҕалан туттараллар. Халлааммыт туран биэрдэҕинэ, элбэх от оттонон, сүөһү үчүгэйдик мэччийдэҕинэ, элбэх үүт ыаныа, элбэх үрүҥ ас маҕаһыыннарга тахсарыгар, былааммыт туоларыгар баҕа санаа баар.

Автор: Л.П. Леонтьев

Источник: Корпоративная газета группы компаний «Татыйыына»