Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
Алтаҥҥа бэйэ дьыалатын тэриниигэ дьаарбаҥка тэрилиннэ
28 марта 2021

Амма улууһугар Алтан нэһилиэгэр “Мин биисинэһим” киин көҕүлээһининэн улууска биллэриллибит Дьиэ кэргэн экономикатын сылын чэрчитинэн дьаарбаҥка буолла.

Алтан нэһилиэгин дьаһалтатын хонтуоратын дьиэтигэр тэриллибит быыстапкаҕа Амматтан “Цветочный киоск” маҕаһыын хаһаайката, урбаанньыт Ия Григорьева билигин олус наадалаах оҕуруот аһын уонна сибэккилэр сиэмэлэрин, уоҕурдуу арааһын, рассада үүннэрэр буору, торфяной көһүйэлэри уо.д.а. аҕалан атыыга туруорда.

 

Онтон “Комфорт” атыы-эргиэн киинэ корпуснай уонна сымнаҕас миэбэлгэ, тутуу табаардарыгар (профлист, фанера, ОСБ, ДВП, утеплителлэр), бэйэ талбыт мээрэйинэн түннүккэ сайаапкалары хомуйарга уонна сайаапкалаабыт дьоҥҥо аадырыстарыгар, дьиэлэригэр диэри тиксэрэн биэрэргэ сөбүлэҥин биэрдэ.

Маны сэргэ, Урбаан министиэристибэтин иһинэн тэриллибит Амматааҕы “Мин биисинэһим” өҥөнү оҥорор киин сэбиэдиссэйэ Владимир Колосов урбаанньыттарга, бааһынай хаһаайыстыбалаах, бэйэлэрэ дьарыктаах, үлэтэ суох уонна бэйэ дьыалатын арынаары сылдьар дьоҥҥо анаан семинар ыытта.

Владимир Владимирович киин сүрүн үлэтин-хамнаһын, сыалын-соругун, өҥөлөр, социальнай хантараак тустарынан бэрт боростуой, дьоҥҥо тиийимтиэ тылынан атах тэпсэн олорон сэһэргээтэ, ыйытыыларга хоруйдаата. Балысхан олох ирдэбилинэн дьоҥҥо өҥө оҥорор, сүбэ-ама биэрэр тэрилтэ баарыттан киһи үөрэр.

“Дьон баҕа санаатын олоххо киллэрэр аналлаахпыт, ол иһин күннэтэ араас дьону кытта ыкса алтыһабыт, көрсөн кэпсэтэбит. Сорох дьон бэйэ дьыалатын тэринэргэ төбөлөрүгэр чуолкай хартыыналаах, бэлэм кэлэллэр. Ону тупсаран, ситэрэн-хоторон, биисинэс-былаан оҥороллоругар ыйыы-кэрдии, сүбэ-ама биэриэхпитин сөп”, – диэн этэр Владимир Владимирович.

Нэһилиэнньэ интэриэһиргиир боппуруоһа быйыл хаһааҥҥытааҕар да элбэх буолла. Онон улуус бары нэһилиэктэринэн үлэлэһэ сылдьар “Мин биисинэһим” өҥөнү оҥорор кииҥҥэ нэһилиэнньэ махтала муҥура суох. Инникитин ситим нөҥүө быһа эфиргэ тахсан туһааннаах боппуруостарга хоруйдары биэрэн бииргэ үлэлэһиэхпит диэн эрэннэрэн, дьон мунаарар боппуруоһугар эппиэт ылан үөрэ-көтө тарҕастылар.

Источник: https://ulus.media/2021/03/27/alta-a-beje-dyalatyn-teriniige-daarba-ka-terilinne/