×

Следите за новостями в Telegram-канале Центра «Мой бизнес» Якутии

Читать
Новости
Аммаҕа “Элита” такси сулууспата үлэлээбитэ эһиил 20 сылын туолуо
22 марта 2022

Билигин таксистар диэн баар буолан, наадалаах сиргэр хайа баҕарар тиийэр кыахтааххын. Амма-Дьокуускай хайысханан такси сулууспата үлэлиэҕиттэн дьон туох да харгыһа суох өрөспүүбүлүкэбит киин куоратыгар эрэйэ суох тиийэр буолла. Үгүс айанныыр дьон бэлиэтииринэн Амма таксистара элэккэйдэринэн, массыыналара ырааһынан биллэллэр. Биир уһуннук үлэлээбит сулууспанан “Элита” сулууспа буолар. Бүгүн таксистар идэлээх күннэрэ. Онон сулууспа туһунан билиһиннэрэригэр диспетчеринэн сулууспа тэриллиэҕиттэн ситиһиилээхтик үлэлиир Нюргуяна Платоноваттан көрдөстүбүт.

“Биһиги үлэбитин 2003 сыллаахха Амма-Дьокуускай-Амма хайысханан Пахомов Василий Федорович салайааччылаах «Слобода» диэн ааттанан саҕалаабыппыт. Ол иннинэ кыһыҥҥы кэмҥэ дьону Амма автовокзалыттан куорат автовокзалыгар эрэ диэри, онтон сайынын Амма- Аллараа Бэстээх — Амма таһаллара. Аан бастаан үлэлиирбит саҕана суотобай сибээс уонна уопсай дьиэлэргэ домофоннар диэн суох этилэр. Онно суоппардарбыт 9-с этээскэ тиийэ сүүрэллэрэ, пассажирдарын ыҥыран таһаартыыллара. Кэнники пейджер диэн баар буолбутугар, суоппардарбытыгар онон информация биэрэрбит. Дьэ онтон сотовай сибээс кэлэн төлөпүөннэр баар буоланнар, үлэбит син чэпчээбитэ. 2007 сыллаахтан «Элита» таксомоторнай сулууспа диэн ааттанан күн бүгүнүгэр диэри үлэлии олоробут. Салайааччы диэн суох. Бары биирдиилээн урбаанньыт буолаллар. Таксистарынан техникаҕа олус сыһыаннаах, ыстаастаах суоппардар үлэлииллэр. Ол курдук Шилов Олег Иванович, Борисов Афанасий Афанасьевич, Борисов Михаил Алексеевич, Жирков Николай Николаевич, Константинов Рафаэль Митрофанович, Нестеров Афанасий Семенович, Неустроев Константин Иванович, Павлов Аркадий Аркадьевич, Саввин Леонид Иванович, Солдатов Егор Константинович, Степанов Гаврил Васильевич, Тихонов Николай Семенович, Швердин Владислав Владимирович, Константинов Семен Анатольевич, Уваров Павел Николаевич, Флегонтов Айтал Максимович. Өр сылларга улэлээбит суоппардарбыт: Гоголев Николай Алексеевич, Гоголев Алексей Николаевич, Худалшеев Арнольд Владимирович, Иванов Федор Иванович, Бураев Иван Иванович, Игнатьев Лев Николаевич, Фомин Федор Егорович, Чемезов Прокопий Егорович, Окороков Александр Валентинович, Васильев Владимир Саввич, Яковлев Александр Юрьевич, Артемьев Эргэй Дмитриевич, Сутаков Иннокентий Прохорович, Сутаков Александр Прохорович, Ксенофонтов Владимир Владиславович, Макаров Пантелеймон Егорович, Охлопков Спиридон Прокопьевич, Трифонов Александр Александрович. Маны сэргэ Аммаҕа диспетчэринэн уопуттаах Екатерина Егоровна Баишева үлэлиир. Сулууспабыт суоппардара Амма улууһун сайдыытыгар кырата суох кылааты киллэрэ сылдьаллар. Кинилэртэн хас да киһи «Амма киэн туттуута» уонна «Автотранспорт бочуоттаах үлэһитэ” бэлиэнэн наҕараадаламмыттара. Ону сэргэ улуус уонна өрөспүүбүлүкэ таһымнаах Бочуотунай грамоталарынан элбэхтик бэлиэтэммиттэрэ.

Коллективпыт биир дьиэ кэргэн курдук эйэлээх, түмсүүлээх. Улуус урдунэн ыытыллар акцияларга кыахпыт баарынан көмөлөһөбүт, куруутун кыттабыт. Таксист үлэтэ чэпчэки буолбатах. Күннэтэ баар ыарахатары, тымныыны- итиини, ардаҕы-хаары, бадарааны, суол алдьаныытын аахсыбакка үлэлиибит. Суоппардарбыт техникаларын түүннэри-күнүстэри көрүнэллэр. Сулууспа бары суоппардарын таксист күнүнэн, идэлээх бырааһынньыкпытынан эҕэрдэлиибин уонна доруобуйаны, күөх уоту баҕарабын”, — диэн “Элита” таксомоторнай сулууспа диспетчерэ Нюргуяна Платонова санаатын үллэһиннэ.

Чахчы таксист үлэтэ сыанан аҕаабат үлэ. Манна кытаанах санаалаах, киэҥ-холку майгылаах эрэ киһи уһуннук үлэлиир. “Элита” сулууспа таксистара нэһилиэнньэҕэ убаастабылынан туһаналлара, кинилэр ити хаачыстыбаҕа эппиэттииллэрин көрдөрөр. Айанын табыллыан баҕарар буоллаххына, икки өртүттэн убаастабыллаахтык сыһыаннаһыахха. Оччоҕо барыта этэҥҥэ буолуо.

Өссө төгүл сыыдам айаннаах таксистары идэлээх күннэринэн истиҥник эҕэрдэлиибит уонна алгыстаах айаны, махталлаах пассажирдары баҕарабыт.

Подробнее: https://xn--80aaaambpp4b1d.xn--p1ai/article/47213