Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
Аммаҕа «Идэһэ» бырааһынньыга ыытыллыбыта үйэ чиэппэрэ буолла
22 ноября 2021

Аммаҕа «Идэһэ» бырааһынньыга 25-с сылын ыытылынна. Бастакы бырааһынньык улуус оччотооҕу баһылыга Дмитрий Наумов салататынан 1996 сыл сэтинньи 15 күнүгэр тэриллибитэ. Ол кэмтэн ыла сыл аайы ыытыллар атыы — эргиэн дьаарбаҥкатыгар улуус олохтоохторо үгэс быһыытынан ох курдук оҥостон кэлэллэр.

Быйылгы «Идэһэ — 2021» бырааһынньык хааччахтааһын миэрэлэринэн аһаҕас халлаан анныгар ыытылынна. Манна тэрээһиннээх, бааһынай, чааһынай 58 хаһаайыстыба кытынна. Эрээттэргэ эт көрүҥүн арааһа, соботтон саҕалаан муора балыгар тиийэ, үүт, бурдук аһылык, оҕуруот аһа дэлэччи тэлгэннэ, «Амма» акционернай тэрилтэ үүннэрбит бурдуга сэлиэһинэйэ, эбиэһэ, нэчимиэнэ, комбикормата, Нерюнгриттан көтөр фабрикатын бородууксуйалара онтон да атын ас — үөл атыыга таҕыстылар. Прокопий Бубякин баһылыктаах Эмис нэһилиэгин хаһаайыстыбалара түөрт сиринэн тураннар алаас ынаҕын, убаһатын, сибиинньэ этин, аатырар соболоро, Саргылана, Тимофей Григорьевтар бааһынай хаһаайыстыбаларын ыҥырыаларыттан ылбыт мүөттэрэ, сүүнэ көрүҥнээх ыраастаммыт индейкаларын этэ, Абаҕаттан саха ынаҕын иитэр бааһынай хаһаайыстыбалаах Анастасия, Николай Кайдаловтар ынахтарын этэ, ис үөрэтэ, быара, тыл, кэтилиэтэ, тиэптэлэ, дырыһааҥкыта, Болугуртан Маргарита Генерова бааһынай хаһаайыстыбата иитэр кустара дьон болҕомтотун тартылар.

Бырааһынньык үөрүүлээх чааһыгар Ил Түмэн Судаарыстыбаннай Мунньаҕын депутата Руслан Федотов, улуус баһылыга Николай Архипов, улуус депутаттарын Сэбиэтин бэрэссэдээтэлэ Софья Александрова, тыа хаһаайыстыбатын управлениетын салайааччыта Ион Кононов, Амма нэһилиэгин баһылыга Михаил Артемьев эҕэрдэлэрин эттилэр, наҕараадаларын туттардылар.

«СӨ тыатын хаһаайыстыбатын туйгуна» бэлиэни улуус тыатын хаһаайыстыбатын кылаабынай буҕаалтыра Матрена Петрова, сүрүннүүр экэнэмииһэ Майя Гаврильева, Чапчылҕан нэһилиэгин исписэлииһэ Парасковья Санникова, Абаҕаттан бааһынай хаһаайыстыба салайааччыта Прокопий Марин, Покровкаттан «Амма» АО тырахтарыыс-комбайнера Семен Артемьев, «Покров» бааһынай хаһаайыстыба салайааччыта Павел Петров туттулар. «Улуус Бочуоттаах олохтооҕо» аат СӨ сиргэ сулууспатын салайааччыта Афанасий Семеновка иҥэрилиннэ. «Амма киэн туттуута» бэлиэнэн Чапчылҕантан «Араз» бааһынай хаһаайыстыба салайааччыта Оруджали Ашраф-оглы Гардашов, Сатаҕайтан нэһилиэк исписэлииһэ Раиса Апросимова, СӨ «Сахаагроплем» түөскэ анньыллар бэлиэтинэн Бөтүҥтэн СӨ үтүөлээх үлэһитэ, Дьоруой Ийэ Аграфена Сутакова наҕараадаланнылар. Амма нэһилиэгин бочуоттаах олохтооҕо ааты сбербаан салайааччытынан үлэлээбит Марфа Кычкинаҕа , ОДьКХ маастара Андрей Андреевка, бааһынай хаһаайыстыбалаах Марфа Харитоноваҕа иҥэрдилэр. Маны таһынан тыа хаһаайыстыбатын сайыннарыыга кылааттаах элбэх үлэһит киһи наҕараадалары туттулар.

«1996 сыллаахтан улуус баһылыга Дмитрий Наумов саҕаттан бэлиэтэнэр үөрүүлээх күммүт ыытыллыбыта 25-с сыла туолла. Улууспутугар тыа хаһаайыстыбатын салаата таһаарыылаахтык үлэлээн кэлбитинэн, былааммыт туолбутунан улуустааҕы тыа хаһаайыстыбатын салалтатыгар, улахан, бааһынай, чааһынай хаһаайыстыбаларга, тыа сирин үлэһит дьонугар махталбын тириэрдэбин. Аммабытыгар тыа хаһаайыстыбатын сайыннарыыга судаарыстыбаннай бырайыактар, тыа хаһаайыстыбатын министиэристибэтин көмөлөрүнэн элбэх үлэ барда. Уустук кэмҥэ үлэлээн — хамсаан кэлбит нэһилиэнньэбит 55 бырыһыана ыарыыны утары быһыыны ылла. Ыарыыттан босхолонорго быһыыны ыла иликтэри ыҥырабын. Ахсынньы бастакы күнүгэр быһыыны ылбыттарга сүүйүүлээх улахан оонньуу буолуоҕа. Манна бааттаах киһи Аммабыт кэрэ айылҕалаах миэстэтигэр Булун учаастагар сири ылыаҕа. Улууспут олохтоохторун бырааһынньык күнүнэн кыстык аһылыктарын булунан, үөрэн – көтөн баралларыгар, доруобай сылдьалларыгар баҕарабын. Улууспут үүнэ — сайда турдун!» — диэн улуус баһылыга Николай Архипов бырааһынньык кыттыылаахтарыгар туһаайан эттэ.

Үбүлүөйдээх тэрээһин туһунан сиһилии «Амма олоҕо» хаһыакка ааҕыҥ.

Источник