Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
Амма Алтаныгар үлэтэ суох хаалбыттар бэйэ дьыалатын саҕалаатылар
9 февраля 2021

Аммаҕа Алтаннааҕы ОПТУ сабыллыаҕыттан нэһилиэккэ үлэтэ суох киһи ахсаана лаппа элбээбитэ. Ааспыт сылга бу тэрилтэҕэ үлэлии сылдьыбыт биэс киһи социальнай хантараагынан бэйэ дьыалатын саҕалаатылар.

Амма Алтаныгар ОПТУ 2019 сыллаахха эстиэҕиттэн үлэтэ суох хаалбыт киһи ахсаана биллэрдик элбээбитэ.

Ааспыт сылга бу тэрилтэҕэ үлэлии сылдьыбыт биэс үлэһит социальнай хантараагы туһанан бэйэлэрин дьыалаларын тэринэн араас хайысхаларга өҥөнү оҥороллор. Ол курдук хачыгаарынан үлэлии сылдьыбыт Павел Дьячковскай сүөһү иитиитигэр ылсан, хотон туттан, нэһилиэк ыалларын 12 сүөһүлэрин кыстатар. Сантехниктыы сылдьыбыт Евгений Ларионов тиэхиньикэни өрөмүөннүүр мастарыскыайы арыйан тигинэччи үлэлиир. Производственнай үөрэхтээһин маастара Андрей Уваровскай сыбаарканан өҥөнү оҥорор аппараат ылынна. Үөрэхтээһин маастара Эдуард Неустроев уонна хачыгаардыы сылдьыбыт Афанасий Артемьев от охсор, мунньар тэриллэри ылыннылар.

Афанасий Артемьев, Алтан нэһилиэгин олохтооҕо:

«2013 сыллаахха социальнай хантараагынан кыра тыраахтары ылыммытым. Бэйэм сылгылардаах буоламмын оттуубун. Икки сыллааҕыта үлэтэ суох хаалан баран толкуйдаан көрбүппэр дьон отун охсон, мунньан биэрэн эбии дохуоттанарым табыгастаах курдук этэ. Онон биисинэс былаан оҥостон көмүскээммин оттуур тэриллэрбин ыллым. Онон быйыл оттоон ороскуоттарбын сабынным. Кыһыҥҥы өттүгэр урбаанньыт Александр Сивцевкэ быһах оҥоруутугар көмө буолабын. Кэргэним Прасковья Анатольевна социальнай үлэһит, үс оҕобут оскуола үөрэнээччилэрэ. Маннык өҥө баарын тыа дьоно үчүгэйдик билбэт буолуохтарын сөп. Онон бэйэ дьыалатын тэриниэн баҕалаахтар социальнай хантараагынан туһаналларыгар сүбэлиибин. Көмө буолбут социальнай көмүскэл улуустааҕы тэрилтэтигэр, салайааччытыгар Саргылана Семеновна Константиноваҕа махталым улахан».

 

Татьяна Атласова, нэһилиэк баһылыгын солбуйааччы:

«ОПТУ сабылларыгар 36 киһи үлэтэ суох хаалбытыттан 16 киһи биэнсийэ саастаах этэ. Билиҥҥи туругунан 20 үлэлиир саастаах дьонтон 12 киһи үлэ булла, 5 киһи социальнай хантараагынан бэйэтин дьыалатын арынна, аны 3 киһи үлэҕэ наадыйар. Нэһилиэкпитигэр барыта 746 киһи олорор. Олунньу 1 күнүнээҕи туругунан үлэтэ суоҕунан барыта 34 киһи учуокка турар. Социальнай хантыраагы туһаныыга бу сылга 10 сайаапканы түһэрдибит. Саха сирэ быйыл бу хайысхаҕа федеральнай үбүлээһини туһанара күүтүллэр, онон эрэлбит улахан. Дьоммут-сэргэбит үлэлээх-хамнастаах буолалларыгар социальнай көмүскэл салалтатын, дьарыктаах буолуу киинин уонна бизнес инкубаторы кытта ыкса үлэлэһиэхпит».

Ааптар: Алтана Артемьева
Подробнее: https://ulus.media/2021/02/09/amma-altanygar-lete-suoh-haalbyttar-beje-dyalatyn-sa-alaatylar/