Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
Амма мүөтэ Арассыыйа Президенигэр айаннаата
28 декабря 2021

Аммаҕа мүөттээх ыҥырыаны уонна көтөрдөрү иитэр бааһынай хаһаайыстыбалаах Саргылана, Тимофей Григорьевтар мүөттэрэ Арассыыйа Президенигэр айаннаата.


Аммаҕа үлэлии-хамсыы олорор «Мэҥкэр» бааһынай хаһаайыстыбалаах Григорьевтар дьиэ кэргэн ийэтэ Саргылана Афанасьевна уолунаан Эдуардыын ый аннараа өттүгэр Башкортостаҥҥа Уфа куоракка ыытыллыбыт Дьиэ кэргэн Сэбиэтэ ыыппыт дойду таһымнаах форумугар кытта сылдьан Арассыыйа Атыы — Эргиэн Промышленнай Палататын Вице — Президенигэр Елена Дыбоваҕа Амма мүөтүн кэһии гынан туттардылар.

Быйыл Григорьевтар ыҥырыаларын 55 уйатыттан 620 киилэ мүөтү ыллылар. Мүөт атыыга хамаҕатык барда. Бу салааны сайыннарар баҕалаах тиэргэннэригэр ыҥырыа икки кыстыыр дьиэтин тутан үлэҕэ киллэрдилэр. Оттон индейкаларын этэ бэлиэр атыыланан бүттэ. Билигин дьон куурусса уонна хонуу куруппааскытын (перепелка) сымыытын ыла олороллор, сибиэһэйдии тута бүтэн иһэр. Санатар буоллахха, Дьокуускайга үлэлиир «Үрүҥ аанньаллар» хампаанньа генеральнай дириэктэрэ, СӨ судаарыстыбаннайа суох социальнай өҥөнү оҥорор уонна социальнай урбаанньыттар ассоциацияларын бэрэссэдээтэлин солбуйааччы Саргылана Афанасьевна тэрилтэтинэн, кэргэнэ Тимофей Дмитриевич бааһынай хаһаайыстыбатынан сыл аннараа өттүгэр кыайыылааҕынан тахсаннар, Арассыыйаҕа 100 бастыҥ ыал иһигэр киирэннэр, дойду Атыы – Эргиэн Промышленнай Палататын Президенин тус болҕомтотугар киирэн сылы быһа элбэх куораттарга ыҥырыллан Дьиэ кэргэн Сэбиэтэ ыытар араас таһымнаах үөрэхтэригэр сырыттылар. Маннык тэрээһиннэргэ кэнэҕэскитин дьиэ кэргэн дьыалатын салгыы үлэлэтиэхтээх, салайыахтаах, билигин хаһаайыстыбаны дьаһайа сылдьар уоллара Эдуард көтүппэккэ сырытта.

«Уфаҕа ыытыллыбыт үрдүк таһымнаахтык форумҥа Саха сирин Атыы – Эргиэн Промышленнай Палататын, бэйэбит ыытар үлэбитин — хамнаспытын, биирдиилээн дьон ситиһиилэрин туһунан билиһиннэриибин олус сэҥээрэн иһиттилэр, кыттааччылар Саха сиригэр кэлэ сылдьыахтарын баҕардылар. Түмүккэ бэйэбит ииппит ыҥырыаларбыт мүөтүн сахалыы тыыннаах, харысхалаах хаага уган Вице — Президеммитигэр Елена Николаевнаҕа «Башкирия мүөтүттэн уратыта суох, амсайыҥ» диэн этэн туран туттарбытым.

Аны аҕыйах хонуктааҕыта Москуба Атыы – Эргиэн Промышленнай Палататыттан төлөпүөнүнэн эрийэн мүөппүтүн суһаллык ыытарбытыгар, ол Арассыыйа Президенигэр уонна уонна кини Бырабыыталыстыбатыгар кэһии быһыытынан ахсынньы 30 күнүгэр тиийиэхтээҕин туһунан эттилэр. Онон 250 грамнаах 40 иһит Арассыыйа Президенигэр айаннаата. Онон Сахабыт сирин, Аммабыт мүөтэ үрдүк сыанабылы ылла диэн үөрүүбүт улахан», — диэн үөрүүтүн үллэстэр Саргылана Рожина.

Источник