Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
Амма Наахара биир бастыҥ урбаанньыта Андрей Никифоров
27 мая 2021

Бүгүн урбаанньыт күнэ. Биһиэхэ, Амма Наахара нэһилиэгэр, төһө да улуус кииниттэн тэйиччи сыттарбыт, билиҥҥи олох ирдэбилигэр эппиэттиир «Чараҥ», «Байыыка», «Быйаҥ» диэн 3 атыы-эргиэн маҕаһыыннардаахпыт. Бүгүн Өнньүөс бастыҥ урбаанньыта Андрей Николаевич Никифоров салайан үлэлэтэр «Байыыка» маҕаьыын үлэтин-хамнаһын сырдатарга сананным.

Сахалыы мындыр өйдөөх уол аныгылыы тутуулаах маҕаһыынын иһэ-таһа уурбут-туппут курдук. Андрей Николаевич ыал улахан оҕото буолан барытын көрө–истэ, кэлэ-бара оҥоро сылдьар киһи. Кэргэнинээн Сахая Валерьевналыын эмдэй-сэмдэй уоллаах кыыс оҕолоохтор. Сахая Валерьевна тас дойдуларынан сылдьан элбэх табаары булар-талар буолан «Байыыка» күннэтэ сайдар.

Сахалыы куттаах Никифоровтар олус актыыбынай ыаллар. Нэһилиэккэ ыытыллар бары тэрээһиннэргэ көхтөөхтүк кытталлар. Араас күрэхтэргэ бириис туруоран, ыарахан балаһыанньалаах ыалларга көмө оҥорон дьон махталын ылыахтарын ылаллар.

Иккиэн бэйэ бэйэлэрин ситэрэн биэрэр кэргэнниилэр былааннара үгүс.

Биһиги «Байыыка» маҕаһыыммытын 2007 сыллаахха ийэм Никифорова Прасковья Полуэктовна көмөтүнэн, кини аатынан тэрийэн үлэлээн саҕалаабыппыт. Кэлин бэйэм ааппар көһөттөрөн эппиэтинэһи барытын эр киһи буоларым быһыытынан сүкпүтүм. Бастаан саҕалыырбытыгар кэккэ ыарахаттар бааллара: сир ылыыта, маҕаһыын докумуонун эккирэтии, үп-харчы… Билигин маҕаһыын 2 атыыһыттаах, 2 хайысханан улэлиир. Ас уонна таҥас отделлара туспалар. Ааспыт сылларга оскуоланы, уһуйааны бородууктанан хааччыйарбыт. Быйылгыттан тендер киирэн атын урбаанньыт ылбыта.

Бастаан массыына ылыныахпар диэри дьону наймылаһан бородууктабытын таһар этибит. Билигин барытын бэйэбит уйуна олоробут. Урут Бииччэ, Кириэстээх үрэхтэрэ суолу алдьаппыт кэмнэригэр далаһанан хаста да бородууктабын илиинэн таһан турабын. Кэлэргэ-барарга, үлэ кэмигэр итинник араас уусук түгэннэр баар буолааччылар. Онтон чаҕыйан тохтоон хаалбакка баран истэххэ эрэ үлэ тахсыылаах буолар,- диэн Андрей Николаевич үлэтин кылгастык сырдатар.

Бар дьонун туһугар үлэлии-хамсыы сылдьар Амма Наахара нэһилиэгин бары урбаанньыттарыгар кытаанах доруобуйаны, энчирээбэт күүһү, үлэттэн дуоһуйууну, бар дьоҥҥут  махталын, истиҥ сыһыанын ылан өссө да үүнэ-сайда тураргытыгар баҕарабын.

Источник: http://xn--80aaaambpp4b1d.xn--p1ai/article/12126