Аммаҕа бу күннэргэ И.А.Швердин аатынан култуура уонна сынньалаҥ пааркатыгар электричество уота сандаарда. Маны нэһилиэк дьаһалтата көҕүлээн, урбаанньыт Владимир Борисов үлэлээн олоххо киллэрдилэр.

«Сайыҥҥыттан саҕалаан нэһилиэк баһылыга Михаил Алексеевич Артемьевы кытта бииргэ үлэлээммит пааркабытыгар 11 лаампаны туруоран, бу күннэргэ уоту холбоотубут. Миигин кытта Роман Рязанскай, Егор Алексеев уонна Евгений Борисов сырыттылар. Кэнники сылларга пааркаҕа сынньанар, хаамар, сүүрэр дьоммут, оҕолорбут элбээн иһэллэр. Онон кинилэргэ бэртээхэй усулуобуйа олохтонно. Уот холбонон спордунан дьарыктанааччы өссө элбиэҕэ. Билигин нэһилиэк салалтата халлаан хараҥарыаҕыттан түүн 12 чааска диэри уоту холбуур», — диэн этэр урбаанньыт Владимир Борисов.

Источник