Амма олохтооҕо, Дьокуускай куоракка үлэлии турар «Үрүҥ аанньаллар» патронажнай хампаанньа генеральнай дириэктэрэ Саргылана Рожина тэрилтэтэ урбаанньыт дьиэ кэргэттэр өрөспүүбүлүкэтээҕи форумнарыгар социальнай өҥө, доруобуйа харыстабыла уонна чөл олох хайысхатыгар кыайыылааҕынан ааттанна.

«Урбаанньыттар Марианна уонна Петр Андреевтар дьиэ кэргэн «Орто дойду» туристическай базаларыгар урбаанньыт дьиэ кэргэттэр өрөспүүбүлүкэтээҕи форумнара үрдүк таһымнаахтык  буолан ааста. Бу тэрээһини урбаан, атыы — эргиэн уонна туризм министиэристибэтэ, «Мин биисинэһим» киин, атыы — эргиэн промышленнай палатата тэрийдилэр. «Биисэнэс – дьиэ кэргэн дьыалата» диэн дьыалабыай  былаһаакка олус туһалаахтык үлэлээтэ.  FocusPro консалтинговай хампаанньаны төрүттээччи, консультант, спикер Дьулустан Иванов биисинэс сайдыытыгар аналлаах интэриэһинэй семинары ыытта. Маны таһынан «Орто Дойдуга» экскурсия, дьиэ кэргэн урбаанын сайдыытын кэскилин туһунан стратегическай сессия уонна «Саха сирин бастыҥ дьиэ кэргэн тэрилтэтэ – 2021» өрөспүүбүлүкэтээҕи көрүү кыайыылаахтарын наҕараадалаатылар.  Биһиги тэрилтэбит биэс бастыҥ тэрилтэ иһигэр киирэн социальнай өҥө, доруобуйа харыстабыла уонна чөл олох хайысхатыгар кыайыылааҕынан ааттанан үөрүүбүт улахан. Бу түмүгүнэн «Ситиһиилээх дьиэ кэргэн — ситиһиилээх Арассыыйа» бүтүн Арассыыйатааҕы  форумҥа кыттар быраабы ыллыбыт, — диэн  үллэстэр Саргылана Афанасьевна.

Подробнее: https://ulus.media/article/25545