«Татыйыына» компанияларыттан биирдэстэрэ ИП «Андреева В.В.», ол иһигэр Сунтаар нэһилиэгэр үлэлии турар производственнай сыах буолар. Бүлүү улуустарыгар бастакы уонна соҕотох сыах этэ. Бу сыах 2014 сылтан саҕалаан бэйэтэ аныгылыы технологиянан оҥорон таһаарар тутуу матырыйааллара буолаллар. Пенополистирол, араас размердаах профлистэр, сэндвич-панеллар уонна утеплителлэр, дьиэ сарайыгар сааллар араас тимир лиистэртэн муннуктар (конек, откос) уо.д.а. Бастакы сэндвич-панеллары компания бэйэтин кондитерскай сыаҕа уонна пекарня дьиэтэ тутулларын саҕана туһанаары оҥорбуттара, маҥнайгы бириэмэҕэ сэндвич-панель иһигэр Покровскайдааҕы «Сахабазальт» сылааһы тутар базальтовай плитаны тутталлар эбит.
Билигин сэндвич-панель туохтан оҥоһулларый? Икки хос профнастил иһигэр пенополистирол плитата киирэр (сырье – гранулы самозатухающейся Alpharon 401 SE наполняются пенталом, безвредным конденсатом природного газа, подогреваются паром, вследствии чего пентан переходит в летучее состояние и расширяется. В итоге шарики «раздуваются» в 20-50 раз. Ячейки в каждом шарике наполняются воздухом и приобретают упругость, после чего склеиваются под воздействием пара. Такая технология обеспечивает экологичность материала и высокие показатели энергоэффективности). Панель уһуна 6 миэтэрэ, кэтитэ 118 см, икки араастаах: истиэнэҕэ уонна сарай анныгар (кровельнай) туттуллар. Арааһа диэн, холбонор сирдэригэр (стык) эбит. Панельга туттуллар матырыйааллара Россия иһигэр оҥоһуллубуттар уонна тас омук сириттэн киирэр сертификаттаах, аан дойду стандартыгар толору эппиэттиир хаачыстыбалаах. Бу бириэмэҕэ «Татыйыына» компаниялара үксүн бэйэлэрин тутууларыгар туттар панеллары оҥоро сылдьаллар, нэһилиэнньэттэн уонна тутуу тэрилтэлэриттэн сакаас эмиэ ылар
буолуохтара. Маннык аныгылыы матырыйаалларынан Сунтаарга, Ньурбаҕа, Мииринэйгэ кондитерскай, молочнай сыахтар, маҕаһыыннар тутуллан, эрэллээхтик үлэлии тураллар. Атын тэрилтэлэртэн, сакааһынан, ГУП ЖКХ, ООО «Сунтаравтодор», ООО «Сунтарцеолит», «Дабаан» уо.д.а. тэрилтэлэр дьиэлэрэ үлэҕэ киирбиттэрэ. Сыах оҥорон таһаарар бородууксуйалара үрдүк хаачыстыбалааҕын, дьиэ тутарга судургутун, сыаната удамырын улуус дьоно билэр, ылынар. «Татыйыына» компанияларыттан биирдэстэрэ, саҥа тэриллибит «Ил Тосхол» СХПК буолар. Быйыл Илимниир нэһилиэгэр 120 төбөҕө анаан хотон (коровник) эмиэ бу сэндвич-панелынан тутуллара былааннанар.
Онон, аныгы тутуу матырыйаала хамаҕатык сакааска оҥоһуллан тахса турар. Биир сылга ортотунан 2000 м3 пенополистирол панель, сэндвичпанель – 1000-тан тахса устуука оҥоһуллан тахсаллар, профлист тэрилтэлэр уонна чааһынай дьон сакаастарынан толору хааччыллаллар. Производственнай сыахха эдэр эрчимнээх, кыахтаах уолаттар үлэлииллэрэ үөрдэр, маастар Саввинов Николай Сергеевич, оробуочай уолаттарынаан Иннокентий Ульяновтыын, Анатолий Габышевтыын үһүс сылларын таһаарыылаахтык үлэлииллэр, онтон Уйгун Винокуров үлэҕэ саҥа киирэн, боруобалана сылдьар. Уолаттарбытыгар эрэлбит улахан, инникитин тутуу матырыйаала арааһа элбээн, тупсан иһиэ диэн баҕа санаалаахпыт.
Источник: Корпоративная газета группы компаний «Татыйыына»