Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
Бүлүү Урбаанньыттарын үлэлэрэ үрдүктүк бэлиэтэннэ
14 января 2021

Бүлүү улууһун дьаһалтата  уонна улуустааҕы Урбаан сүрүннүүр Сэбиэтэ  ааспыт 2020 сылга  араас өрүттээх үлэни  киэҥник тэрийэн ыытта.  Ол курдук сыл устатыгар нэһилиэнньэ ортотугар элбэх  аһымал акциялар тэрилинниллэр, сэрии, тыыл,  үлэ ветераннарыгар улуу Кыайыы 75 сылынан  аадырыстаах көмөлөрү, улууска  хамсык дьаҥа  өрө турбутугар  дьаҥтан көмүскэнэргэ араас көрүҥнээх сыаналаах көмөлөрү тэрээһиннээхтик тэрийтэрдэ. Ол иһин олохтоох урбаанньыттарбыт киһи олоҕор кутталлаах ыарыы өрө турбутугар биир бастакынан  көмөҕө туруммуттара. Билигин даҕаны  үтүө санааларынан   көмөлөрү  салгыы ыыта тураллар.

Бу күннэргэ Бүлүү улууһун дьаһалтата  уонна улуустааҕы Урбааны сүрүннүүр Сэбиэтэ урбаанньыттар ортолоругар тэрийэн ыыппыт конкурстарын түмүгүн таһаарда.

Улуус  баһылыгын бастакы солбуйааччы, улуустааҕы Урбаан сүрүннүүр Сэбиэтин бэрэсэдээтэлэ Иван Евсеев  урбаанньыттары үүммүт саҥа 2021 сылынан эҕэрдэлээтэ уонна конкурстар кыайыылаахтарыгар “Бүлүү” турбазатыгар сынньанар сертификаттары, сыаналаах бэлэхтэри туттартаата.

Улуус дьаһалтатын финансово-экономическай управлениятын салайааччыта  Анисим Алексеев,  Бүлүү улууһун урбаанньыттарын Ассоциациятын бэрэсэдээтэлэ Лилия Романова  Урбаанньыттар ортолоругар  ыыппыт  түөрт араас көрүҥнээх   Онлайн —  конкурстары тэрийэн ыыттылар. Ол  түмүктэрин Анисим Алексеев  иһитиннэрдэ. Ыыттыллыбыт конкурстарга барыта 17 субъект кыттыбыт.

Бастакы конкурска “Бизнес глазами детей” диэн уруһуйунан конкурска Бүлүүтээҕи бастакы нүөмэрдээх  начальнай оскуола   2 “А” кылааһын үөрэнээччитэ Наташа Осипова парихмакер Оксандр Степановы үлэлиир кэмигэр  уруһуйдаабыт үлэтэ үрдуктүк сыаналанан конкурс кыайыылааҕынан ааттанна.

“Креативный подарок” конкурска урбаанньыт Светлана Толубаева салайар “Изюм” кафе иһигэр Саҥа дьыллааҕы теманы толору арыйыыга  “Снеговигы” оҥоруу  иһин, “Лучшее новогоднее оформление” конкурска “Илгэ” ПО “Илин” маҕаһыын ис-тас өттүлэрин  сиэдэрэйдик киэргэппиттэрин иһин, “Поздравительная открытка” конкурска “Доктор+” ХЭТ  коллективынан видеонан улуус Урбаанньыттарын  эҕэрдэлэрэ  бастыҥ үлэлэринэн ааттаннылар.

Салгыы улуустааҕы Урбаан сүрүннүүр Сэбиэтэ Бүлүү улууһун социальнай-экономическэй сайдыытыгар улахан кылааттарын киллэрбит урбаанньыттарга  түөрт номинацияны олохтоон кыайыылаахтары быһаарда.

Нэһилиэнньэ ортотугар үрдүк хаачыстыбалаах өҥөнү оҥорууга “Бизнес  профи” ааттаах номинацияны урбаанньыт Юрий Тимофеев – автосервис салайааччыта , эргиэн эйгэтигэр бигэ туруктаахтык үлэлээһиҥҥэ “Бизнес стабильность” номинацияны Алексей Сутурин – “Уютный дом” хозмаркет директора,  эргиэн уонна производство салаатыгар айымньылаахтык үлэлээһиҥҥэ “Дебют года” номинацияны Екатерина Матвеева – ювелирнай көмүс оҥоһуктары оҥорор урбаанньыт, тыа хаһаайыстыбатыгар саҥа хайысхалары сайыннарыыга “Бизнес-инновация” номинацияны Айталина Томская – Чочу нэһилиэгэр  кыһыннары үлэлиир теплицаҕа күөх үүнээйилэри, дьэдьэни үүннэриини сайыннарыыга, “Бизнес стремление”   номинацияны Айталина Нифонова —  “Нифти” маҕаһыын директора номинациялар кыайыылаахтарынан ааттаннылар уонна        “Бүлүү” турбазатыгар сынньанар сертификаттары, анал туоһу сибидиэтэлистибэлэри туттулар.

Ити күн Саха Республикатын урбаан, туризм уонна эргиэн министерствотын Грамоталарынан урбаанньыттар Елена Малявская, Светлана Малявская,  ИП Иванов И.И.  тавороведа Александра Бертякова; министерство Махтал суруктарынан ИП Яковлева Р.Н коммерческэй үлэҕэ менеджерэ Федора Тумусова, бухгалтер Наталья Яковлева уонна ИП Иванов И.И. кылаабынай бухгалтера Лилия Осипова министерство үрдүкү наҕараадаларын  үөрүүлээх быһыыга  ыллылар.

Сонуннарга анаан Андрей Яковлев — ЧУОС