Новости
Бэрдьигэстээх уурбанньыта Алексей Павлов көҥүлэ суох сыбаалкалары ыраастаата
7 ноября 2018

Бу күннэргэ Бэрдьигэстээххэ көҥүлэ суох сирдэргэ мунньуллубут сыбаалкалары хомуйууга күүстээх үлэни урбаанньыт Алексей Павлов тэрийэн ыытта. Чугас эргин Дамба кытыытынан хас эмэ сыл сыппыт массыына кузовтара ыраастаннылар, араас бөх миэстэтигэр уматылынна.

Маны барытын улахан кыамталаах массыналардаах олохтоох урбаанньыт Алексей Павлов  үлэһиттэрин кытта тэрийэн ыытта. Бу үлэ муниципальнай тус сыаллаах «Тулалыыр эйгэни харыстааһын» диэн улуус дьаһалтата уонна  Айылҕа харыстабылын инспекцията ыытар программатын чэрчитинэн барда.

Горнайга урукку сылларга мунньуллубут бөҕө-сыыһы ыраастааһыҥҥа улахан болҕомто ууруллар. Сааһын тэрилтэлэр бэйэлэрин баҕаларынан тахсан, дьон сынньанар сирдэрин ыраастыыр, бөҕүн тиэйтэрэр үтүө үгэстэннилэр. Бу үтүө холобур салгыы да салҕаныа диэн эрэллээхпит.

Ааптар: Күннэй Алексеева

Есть вопрос?
Позвони 8-800-100-58-80