Новости "Центра "Мой бизнес"
Быраастарга анал кестуумнэр
13 апреля 2020

Быйылгы сылга коронавирус сыстыганнаах дьаҥ аан дойду үрдүнэн элбэх киһини сутуйда. Ыалдьыбыт дьону мэдиссиинэ үлэһиттэрэ сынньаммакка, түүннэрикүнүстэри арахпакка көрөллөр-истэллэр, эмтииллэр. Элбэх дойдуга быраастар коронавирус уодаһыннаах ыарыыга сыстыбыттарын туһунан түбэлтэлэр тахсаллар. Үрүҥ аанньаллар ыалдьыбаттарын туһугар анал көстүүмнэри тигэн тарҕаталлар.

Ол курдук, биһиги улууспутугар «Дьүөгэ» иистэнэр сыах салайааччы Карсанаева Татьяна Николаевна, улуустааҕы балыыһа сакааһынан эпидемияттан харыстыыр анал комбинезоннары тигэр.

Бу туһунан улуустааҕы кылаабынай бырааһы солбуйааччы Александра Седалищева сырдатар: — «Дьүөгэҕэ» 100 устуука эпидемияны утары анал көстүүмү сакаастаатыбыт. Биирдии көстүүм – 3400 солк.. «Оксфорд» диэн матырыйаалтан тигиллэр. Ирдэбил быһыытынан салгыны киллэрбэт буолуохтаах. Үөһэ өттө – бэргэһэтэ биир даҕаны хайаҕаһа суох буолар. Салгын киирбэт гына эрэһиинэнэн тардыллар. Анал харыстыыр ачыкы, мааска эбэтэр респиратор кэтиллэрэ ирдэнэр. Аллара өттүгэр — тобугар диэри бахила курдук матырыйааллаах саппыкы буолар.

«Дьүөгэ» иистэнэр сыах үлэһиттэрэ этэллэринэн, күҥҥэ биирдии-иккилии көстүүмү тигэр. Уопутуран истэхтэрин аайы күҥҥэ үстүү көстүүмү тигэр буолаллар. Харыстыыр миэрэлэр үчүгэйдик туһалыылларын да иһин, дьаҥҥа сутуллуу түгэнэ син биир тахсыан сөп. Онон улуус олохтоохторо, мэдиссиинэ үлэһиттэригэр махтанан, кинилэр үлэлэрин чэпчэтэн эппиэтинэстээх буолуоҕуҥ, бэйэ-бэйэбитин харыстыаҕыҥ.

ГАУ РС(Я) «Центр «Мой бизнес»