Новости "Центра "Мой бизнес"
Чурапчы киинигэр саҥа маҕаһыын аһылынна
5 мая 2022

Бэлиэтээн эттэххэ, эдэр урбаанньыт пандемияттан иҥнибэккэ 2021 сыл саҥатыгар экотабаардары атыылыыр маҕaһыынын үлэлэтэн, атыы — эргиэн эйгэтигэр бастакы хардыытын оҥорбута. Онтон биир ыйынан хайысхатын уларытан, дьахтар аймах кэрэ сэбэрэтин тупсарар салонун аһан, билигин номнуо элбэх килийиэннэрдээх.

«Биһиги хамаандабытыгар эдэр дьон үлэлииллэр. Кинилэри сайыннарарга үлэлэһэбит. Ол курдук, биһигиттэн уһуйуллан, үөрэнэн бэйэлэрин дьыалаларын саҕалаабыттар бааллар», — бэлиэтиир Анастасия Сергеева, эдэр урбаанньыт.

Уопсайынан, эдэр ыччат кириисис кэмин саҥаны айарга, табыгастааҕы тобуларга тоҕоостоох түгэнинэн көрөр. Өссө эбиитин судаарыстыба урбаанньыттары өйөөн араас чэпчэтиилэри оҥороро, тэҥҥэ үлэлэһэрэ олус үөрдэр. Маны тэҥэ «Мин урбааным» Киин уопута суох урбаанньыттарга, саҥа саҕалааччыларга аналлаах араас трениннэри, дьарыктары буор-босхо тэрийэрэ олус туһалаах. Билигин биисинэспитин кэҥэтэрбитигэр-хаҥатарбытыгар анаан бырагыраамаларга кыттар былааннаахпыт. Онон инники үлэбит өссө да сайда турарыгар күүстээх эрэли үөскэтэр. Маннык тэтимнээхтик бииргэ үлэлээтэхпитинэ, улууспут уонна Өрөспүүбүлүкэбит бүтүн Арассыыйа экэниэмикэтин сайдыытыгар кылааттарын киллэриэхтэрэ диэн эрэнэбит.

Бэлиэтээн эттэххэ, эдэр урбаанньыт пандемияттан иҥнибэккэ экотабаардары атыылыыр маҕaһыын, онтон салон аһан, айымньылаах үлэтэ олохтоох дьоҥҥо туһалаахтык ааһа турар. Өссө бу сылга «кластерга» минньигэс сандалы остуоллаах банкеттыыр саала аспыта. Быйыл эбии сакааһынан аһылыктары миэстэтигэр тириэрдиини үлэлэтэн саҕалаата. Онон саҥа идиэйэлэрдээх Анастасияҕа өссө да саҥа саҕахтары ситиһэригэр, элбэх киһи биһирэбилин, хайҕабылын ыла турарыгар баҕарабыт.

Кэнники кэмҥэ Чурапчы улууһугар уопсастыбаннай аһылык тэрилтэлэрэ элбээн иһэллэрэ үөрдэр. Ол эбэтэр, нэһилиэнньэ дохуота үрдээһинин уонна олох сайдыытын биир бэлиэтэ буолар.

Бу күннэргэ тэтимнээхтик сайдан иһэр тэрилтэ хаһаайката, эдэр урбаанньыт Анастасия Сергеева, «Домашняя кулинария» сыахтаах маҕаһыына үөрүүлээхтик аһылынна.

Маҕаһыын «Центрум» киин бастакы этээһигэр баар. Бу манна сыахха оҥоһуллубут бородууксуйалар — сибиэһэйдии буһаран таһаарыылар, салааттар, итии бүлүүдэлэр, сушилар уо.д.а. атыыга тахсыахтара. Итини сэргэ кондитер Наталья Иванова туортара, пирожнайдара атыыланыахтара.

Аныгылыы бырайыагынан, маҕаһыын иһигэр атыылаҺааччылар атыыласпыт
астарын тутатына сылаастыы, сибиэһэйдии сииллэрин курдук олорон аһыыр сирдэр тэриллибиттэрэ тустаах дьоҥҥо-сэргэҕэ олус табыгастаах.

ГАУ РС(Я) «Центр «Мой бизнес»