Новости
Чурапчыга «Тыа сирэ – сайдыы төрдө» өрөспүүбүлүкэтээҕи форум ыытылынна
20 августа 2019

Атырдьах ыйын 16 күнүгэр Маҕаайы алааһыгар Егор Афанасьевич үбүлүөйүн чэрчитинэн «Тыа сирэ – сайдыы төрдө» өрөспүүбүлүкэтээҕи форум үрдүк таһымнаахтык ыытылынна. Манна өрөспүүбүлүкэ араас муннуктарыттан кэлбит кыттааччылар 10 хайысханан арахсан бэйэлэрин бырайыактарын көмүскээтилэр. Хас биирдии хайысха кыайыылааҕа салгыы Дьокуускай куоракка 1 мөлүйүөн солкуобайдаах граны ыларга киирсиэхтэрэ.

«Тыа сирэ сайдыы төрдө» форумҥа түөрт экспертнэй хамыыһыйа үлэлээтэ. Уопсай координаторынан тыа хаһаайыстыбатын министиэристибэтэ буолар. Бу форумҥа Саха Өрөспүүбүлүкэтин 12 министиэристибэтэ улахан хамыыһыйаҕа киирэр. Барыта 16 улуус кыттыыны ылла. 10 хайысхаҕа— үөрэх, доруобуйа харыстабыла, тыа хаһаайыстыбата, экология, урбаан, тутуу боппуруостарыгар уонна да атын хайысхаларга барыта 179 бизнес-бырайыак көмүскэннэ. Кыттааччы аһара элбэх буолан, түмүк таһаарарга бытаарыы таҕыста. «Тыа сирэ-сайдыы төрдө» өрөспүүбүлүкэтээҕи форуму инникитин да ыытар былааннаахпыт. Ол эрээри быйыл ыытыллыбыт форум хайдах түмүктээҕиттэн, көдьүүстээҕиттэн, маны тэҥэ граны ылбыт исписэлиистэр бырайыактарын олоххо хайдах киллэрэллэриттэн тутулуктаах.

Автор: Саргылана Атласова

ГАУ РС (Я) «Центр «Мой бизнес»

Есть вопрос?
Позвони 8-800-100-58-80