Новости
Чурапчыга «Утум урбаанньыт — дьиэ кэргэн» күрэх түмүгэ билиннэ
16 февраля 2018

Тохсунньу 18 күнүгэр буолан ааспыт улуустааҕы «Утум урбаанньыт — дьиэ кэргэн» диэн кэтэхтэн көрүү күрэҕин түмүгүн улуустааҕы үөрэх управлениятын начальнига Тамара Васильевна Павлова дьаһалынан олунньу ый 14 күнүгэр таһаардыбыт. Күрэҕи Чурапчы улууһун үөрэҕин салаата уонна Саха Өрөспүүбүлүкэтин предпринимательствоны өйүүр киин Чурапчытааҕы салаата тэрийдилэр. Улууспут нэһилиэктэрин саҥа саҕалааччы  уонна утум урбаанньыт дьиэ кэргэттэрэ кыттыыны ыллылар.

Күрэхпит сыала-соруга көлүөнэттэн көлүөнэҕэ бэриллэн кэлбит утум дьарыктаах урбаанньыт дьиэ кэргэттэртэн утумун кэнчээри ыччакка билиһиннэрии, сырдатыы, сана саҕалаан эрэр, сонун, ураты көрүүлээх-дьарыктаах урбаанньыт дьиэ кэргэттэри түмүү, бэйэ дьыалатынан кэнчээри ыччаттарыгар холобур буолан үлэнэн иитии буолбута.

Дьүллүүр сүбэҕэ бэриллибит кэмҥэ  уон икки үлэ киирбититтэн сүрүн ирдэбиллэргэ күрэхпит кэтэхтэн көрүүгэ, портфолио оҥорон тиксэриигэ, эссе ис тутулун толору арыйыыга, саҥа сонун үлэ бырайыактарын олоххо киллэриигэ эппиэттэбит Арыылаах нэһилиэгиттэн «Кугас» бааһынай хаһаайыстыба салайыыччыта, түөрт оҕолоох Захаров Дмитрий Иванович анал номинацияҕа тигистэ. Кини сайыҥҥы кэмҥэ сайылыгар оскуола үөрэнэччилэригэр сайын оҕо дьарыктаах буолуутун тэрийэн үлэлэтэр. Утум урбаанньыт дьиэ кэргэн хайысхаҕа бастакы миэстэни Одьулуун нэһилиэгиттэн Ульяна, Семен Матвеевтар, иккис миэстэни Чурапчы нэһилиэгиттэн  Саргылана, Роберт Харитоновтар, үһүс миэстэни Чурапчы нэһилиэгиттэн  Дария, Алексей Ефремовтар ыллылыар. Саҥа саҕалааччы дьиэ кэргэннэригэр бастакы миэстэ Чурапчы нэһилиэгиттэн   Виктория, Дмитрий Портнягиннарга, иккис миэстэ Чурапчы нэһилиэгиттэн  Прасковья, Петр Гладкиннарга, үһүс миэстэ Чурапчы нэһилиэгиттэн  Мария, Андрей Баиннарга тигистэ.

Кыттыбыт дьиэ кэргэттэргэ барыларыгар дьүуллүүр сүбэ аатыттан махталбытын тириэдэбит. Саҥа саҕаланан эрэр үлэбитин ырыттыбыт уонна кэнэҕэски положениябытыгар өссө уларытыы киллэрэн аныгыскы сылга  элбэх бэлэмнээх дьиэ кэргэн кыттарыгар бэйэбит  баҕа санаабытын үлэһиннибит.

Источник: Саргылана Атласова, представитель Центра поддержки предпринимательства в Чурапчинском улусе

Есть вопрос?
Позвони 8-800-100-58-80