Новости "Центра "Мой бизнес"
Дьааҥы оройуонугар «Гулаг» турбаза
2 марта 2021

Дьааҥы улууьун дириҥ историялаах сирдэрэ Баатаҕай, Эһэ-Хайа, Верхоянскай. Манна хорҕолдьун хостооһунугар элбэх дьон үлэлээбитэ. Кырдьаҕас куорат былыр ыраахтааҕы саҕаттан политссыльнайдарга күлүүһэ суох хаайыы этэ.

Дьааҥы кэрэ айылҕата, тыйыс тымныыта дьону сөхтөрөр. Хайалара киһи курдук моһуоннаахтар.

Попова Лариса Николаевна 2020 сылтан туризм дьыалатын соргутэн, туристическай база улэтин саҕалаата. Аҕыйах кэм иьигэр оройуон үгүс олохтоохторо, ыалдьыттара номнуо базаҕа тиийэн сынньаннылар, биһирээтилэр.

«Ол иннинэ тас дойду дьоно кэлэн дьэ үлэм тахсыах курдук буолан истэҕинэ баһаар уонна ыарыы мэһэйдээн тохтотон кэбиспитим. Билигин былаан элбэх. Дьон-аймах интириэһиргиир. Онно биһиги айылҕабыт эппиэттиир.

Дьааҥы куоратыгар икки ураһа уонна балаҕан баар. Аттыгар Дьааҥы өрүс устар. Манна сайын, кыһын балыктыыбыт.

Көстөргө (ГУЛАГ) хаайыы буола сылдьыбыт сиригэр палатканнан баран кэлэбит.

Ыыннаах Хайата (экстрим) туристарга ыарахан трассаннан биллэр.

«Провал» (Батагайка) муус ирэн 1,5 км усталаах 500-тэн тахса миэтирэ кэтиттээх  сир сиҥнибит уораҕайа баар. Бу бэйэтэ туспа былыргы үйэҕэ үөскүү сылдьыбыт кыыллар тоҥ мууска сытар сирдэрэ. Наукаҕа сүҥкэн арыйыылары оҥорорго, инникитин мамоны атын даҕаны кыыллары үөрэтэргэ олус табыгастаах сир», — диир Лариса Попова.

Владлена Заборовская

ГАУ РС (Я) «Центр «Мой бизнес»