Дьиэ кэргэн күнүнэн 10 ыалга соһуччу бэлэх оҥордулар
17 мая 2022
Надежда Львова салайааччылаах “Корона” маҕаһыын ситимнэрэ улуус хаһыатыгар “Ийэҕэ хаһыатта суруттар” диэн аахсыйатын өйөөтүлэр.
Ол курдук, бүгүн аан дойдуга Дьиэ кэргэн күнүгэр уонна өрөспүүбүлүкэбитигэр Ийэ, улууспутугар Дьиэ кэргэн сылларынан маҕаһыыннарын туочукалара баар нэһилиэктэригэр олорор элбэх оҕолоох уон ыалга бу сыл иккис аҥаарыгар улуустарын хаһыатын сурутан бэлэх оҥордулар.
Манна даҕатан эттэххэ, урбаанньыт Надежда Григорьевна тэрилтэтэ эрэдээксийэҕэ ыытыллар тэрээһиннэргэ биир көхтөөх успуонсар быһыытынан эмиэ кыттыһар.Онон салайааччы Надежда Львоваҕа уонна бүтүн кэлэктиибигэр эрэдээксийэ аатыттан улахан махталбытын тириэрдэбит, үлэҕитигэр ситиһиилэри баҕарабыт!