Новости
Эбээн-Бытантай Кустууругар бастакы ньирэй тороото
5 февраля 2020

Эбээн-Бытантай улууһун Кустуур нэһилиэгэр кэтэх хаһаайыстыбалаах Старостиннар дьиэ кэргэттэригэр бастакы ньирэй төрөөтө. Быйыл кыһын уон сүөһүнү кыстатан туруораллар.

Элбэх оҕолоох Старостиннар дьиэ кэргэттэрэ ааспыт 2019 сылга «социальнай хантыраак» бырагырааманан көмө харчы ылан, сүөһүлэрин элбэтэн, күрүө-хаһаа туттан, хотоннорун сөргүтэн ньир-бааччы олороллор. Манна даҕатан эттэххэ, бу ыал 2012 сыллаахха аан бастаан «социальнай хантыраак» ылан сүөһү иитиитинэн дьарыктанар баҕаттан саҥа хаһаайыстыба тэриммиттэрэ. Бу сыллар усталарын тухары хаһаайыстыбаларын сайыннаран, оҕолорун ынах сүөһүгэ сыһыаран, дьаныардаахтык үлэлээн-хамсаан, сүөһүлэрин элбэтэн, быйыл эмиэ «социальнай хантыраакка» тиксэн үөрүүлэрэ муҥура суох.  Аҕалара Василий Кимович сайын уолаттарын кытта оттуур.

«Быйыл кураан дьыл буолан от үүнүүтэ мөлтөхОнон оппут тиийбэт кутталлаах диэн сенаж сакаастаатыбытЭбии аһылыкка комбикорм, туус ыллардыбыт. Бэйэбит бас билэр ходуһата суох буоландьонтон уларсан оттуубутЫраахтан тиэйиитэ олус ороскуоттаах», – диэн Василий Кимович кэпсиир. Кини хотугу сиргэ сүөһү ииттэр усулуобуйа ыараханынан СӨ Бырабыыталыстыбата ынах сүөһү төбөтүгэр эбии көмө харчы көрөллөрө буоллар диэн баҕа санаатын тиэртэ. «Аар саарга аатырбыттүҥ былыргы өбүгэлэрбититтэн тиийэн кэлбит саха боруода сүөһүтэ этэҥҥэ күөххэ үктэнэнэлбээнтэнийэнсыһыыны биир гына мэччийэн сылдьарын көрүөххэ да астык», – диир дьиэ кэргэн аҕа баһылыга уонна кэмигэр көмөлөспүт социальнай харалта тэрилтэтигэр махталын биллэрэр. Элбэх оҕолоох саха ыалыгар бу маннык көмө бэриллэрэ көдьүүстээх диэн бэлиэтиир.

Эбээн-Бытантай национальнай улууһугар иитиллэр хороҕор муостаах саха ынаҕа хойуу сүөгэй үүттээҕинэн, сыа быыстаах (мраморнай) эттээҕинэн, аһыгар талымаһа суоҕунан, тулуурдааҕынан биллэр, аатырыаҕын аатырар.

Источник: Uluus Media

Есть вопрос?
Позвони 8-800-100-58-80