Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

История успеха
Эдьигээн «Чолбоно» саха ынаҕын үксэтэр соруктаах
12 ноября 2020

Cаха ынаҕын харыстаан, киччэмник бүччүм сиргэ иитиллиэхтээх диэн баһыйар санаа баар. Ол иһин Эдьигээн улууһугар А.Н.Семенов салайааччылаах «Чолбон» производственнай кэпэрэтиип 2008 сылтан Куонараҕа сүөһүлэрин көрөр-харайар.

Манна хотон-хаһаа туттан, туспа үлэһиттэри көрөн, саха ынаҕын үөскэтэр туһугар усулуобуйа тэриллэр. Тыраахтар, пресс-подборщик көмөтүнэн ынах сүөһү кыстыыр аһын булаллар.

— «Дьиҥэ саха ынаҕын иитиини убайым урбаанньыт Николай Николаевич Семенов 2000 сылтан саҕалаабыта. Оччолорго Амматтан аҕалтарбыт этэ. Онон мин убайым дьыалатын салҕааччыбын. Куонараҕа аҥардас ынахтар эрэ тураллар. Родовой община быһыытынан өссө бултуур, балыктыыр регистрацияламмыт сирдэрдээхпин, онтуларым Күүлээҥки баһыттан Мууна үрэххэ диэри кыраныыссалаахтар.

Ынаҕым ахсаана 50-чэ төбөҕө тиийэ сылдьыбыттааҕа. 2017 сыллаахха алтынньыга 18 төбө муус уйбакка ууга былдьаммыттара, онтон үһү эрэ быыһаабыппыт. Онтон нөҥүө сылыгар аны эһэлэр 6 төбөнү туппуттара. Онон билигин уопсай ахсааннара 22 эрэ буолан турар. Ити иһигэр икки кырдьаҕас ынах, биир оҕус бааллар. Хаһаайыстыбабытыгар өр кэмҥэ илдьэ сылдьыбыт Лоокуут диэн оҕустаах этибит, онтубутун хаан уларытан, саҥаттан ууһатан, ылбыт оҕуспут 7 саастанна. Быйыл 9 ньирэй төрөөтө. Бу сыллар устата оройуоммутугар саха сүөһүтэ тэнийдин диэн санааттан, Баахынайга биир оҕус, Кыстатыамҥа түөрт тыһаҕас, биир оҕус атыылаабыппыт. Билигин сүөһүнү таһынан 6 козалаахпын, 2 сылгылаахпын», — диэн кэпсиир кэпэрэтиип баһылыга Александр Николаевич.

Александр Николаевич хаһаайыстыбатыгар анаан тыраахтар, пресс-подборщик атыыласпыта. От кэмигэр ити техникатын туһанан, кыстыыр отторун булуналлар.

Ходуһаны сыл ахсын оттооботуҥ да, начаас отунан-маһынан саба үүнэн хаалар, туһатыттан тахсар. Ол иһин техника атыылаһан, сыллата учаастакпар оттуубут, ыраастыыбыт. Төһөнү биэрэринэн барытын ылабыт. Быйыл от ыйыгар 4 киһилээх биригээдэ тэрийэн, оттоотубут. Барыта тыһыынчаттан тахса устуука рулону оҥордубут. Куонара учаастагар ааспыт сылга уонна быйыл ойуур баһаардара биһиги олорор сирбититтэн олох чугас буола тураллар, онтон сэрэхэдийэн оттоох рулоннары ходуһа ортотугар мустубут. Ынахтарбытын тыатааҕы буулуура элбэҕиттэн, лицензия ылан, адьырҕа кыылы бултаһабыт. Дьиэбитигэр кытта эһэ тиийэн кэлэн, дьон олоҕор суоһуу сылдьыбыттааҕа», – диэн түмүктүүр Александр Николаевич.

Авторы Мария Аполонова, газета «Новости Жиганска» и Виктория Никитина, заведующая обособленным подразделением ГАУ РС(Я) Центр «Мой бизнес» в Жиганском улусе