Новости
Үөһээ Бүлүүгэ «Пятерка» такси лотерея оонньотто
8 февраля 2018

Тохсунньу 10 күнүгэр оройуоннааҕы культура дьиэтигэр үһүс төгүлүн «Пятерка» такси лотерея оонньотто.

«Пятерка» такси баазатын Үөһээ Бүлүүттэн төрүттээх 1988 с.т. Сергей Тюкянов үлэлэтэр. Соторутааҕыта «Социальнай» диэн ааттаах иккис такси баазатын арыйан, улуус дьонун-сэргэтин, ыалдьыттарын 80 солкуобайга таһан саҕалаатылар.

Быйылгы лотереяҕа саха эстрадатын ырыаһыта Милена Борисова кытынна, кини ылбаҕай ырыаларын толорон көрөөччүлэр сүргэлэрин көтөхтө.

Уопсайа 10 бириис оонньоммутуттан, супер-бирииһи «Iphone» төлөпүөнү Алина Иванова сүүйдэ. Киирии билиэтинэн үрүҥ көмүс ытарҕа оонньонно. Ону таһынан, тэрийээччилэр саамай элбэх купоннаах клиенкаларыгар Кыыдаана Васильеваҕа анал бириис туттардылар.

«Пятерка» такси үлэһиттэрэ Милена Борисоваҕа ыалдьыттаан, ыллаан-туойан барбытыгар, үбүнэн-харчынан көмөлөспүт бэкээринэ салайааччытыгар Раиса Степановаҕа, эбээлэригэр Розалия Васильевнаҕа уонна бары клиеннэригэр барҕа махталларын тиэрдэллэр.

 

Источник: Екатерина Николаева, представитель Центра поддержки предпринимательства в Верхневилюйском улусе

Есть вопрос?
Позвони 8-800-100-58-80