Аан дойду дьахталларын күнүн көрсө Горнайга Бэрдьигэстээх кыраайы уорэтэр музейыгар «Эр киһи илиитин сылааһынан айыллыбыт кэрэ» диэн выставка арылынна.Манна нэһилиэги уунан хааччыйар урбаанньыт Николай Афанасьев 7 сыл устата вышивкалаабыт үлэлэрэ дьон-сэргэ дьүүлүгэр та5ыстылар, мустубут дьон киэҥ сэҥээриитин ыллылар. Николай Николаевич уу таһар массыына уопуттааз суоппара, икки о5о амарах а5ата, сиэннэр тапталлаах эһээлэрэ, булчут уонна балыксыт бэрдэ киһи.
— Ийэм Людмила Николаевна быысыбайдыырын, макраменан дьарыктанарын собүлүүрэ. Эбээм Акулина Федотовна иистэнэрэ, этэрбэс бөҕө тигэрэ. Миигин бу дьарыкка эдьиийим Акулина Николаевна уһуйбута. Сэтинньи ыйтан кулун тутарга диэри иллэҥсийэбин. Ол иһин, уһун киэһээлэргэ анаан-минээн олорон быысабайдыыр буолбутум 7 сыл буолла. Аа5ар буоллахха улэм арааһа 20тэн та5ыста буолуо. Николай Николаевич мантан саас массыынатын өрөмүөоннээн сайыҥҥы улэ сезонугар бэлэмнии сылдьар.»Улэ -хамнас кэмэ ыган кэллэ. Аны куүһүҥҥэ диэри түбүк-садык элбиир. Оноон дьарыкпын аны күһүҥҥэ диэри тохтотобун буо.»-диэн этэр кэрэни кэрэхсиир, үксэтэр дьһун саха эр бэрдэ.

Марианна Попова