Новости
Эргиччи туhaлаах «Эдэр предприниматель» лаа5ырга
7 сентября 2020

Абый нэhилиэгин Дьооску учаастагар (Оттоох Атахха) «Эдэр предприниматель» о5о лаа5ыра 3 сезон толору үлэлээтэ. Сайыҥҥы сынньалаҥнарын кэмигэр Абый орто оскуолатын Дьооскутаагы о5о-садын филиалын иитиллээччилэрэ, уөрэнээччилэрэ уонна Абый орто оскуолатыгар үөрэнэр учаастак о5олоро төрөппүттэригэр көмөлөhөн, окко улэлээтилэр, килиэп атыылаатылар, оскуола таhынаа5ы о5уруоттарын, сибэккилэрин харайдылар. Кинилэри иитээччи Слепцова Анна Егоровна салайан улэлээтэ.

Абый агрооскуолата Абый уонна Оттоох Атах нэhилиэнньэтин килиэбинэн хааччыйбыта номнуо 11 сылыгар барда. Кыhынын килиэби Абыйтан таhаллар. Сайынын учаастакка суол суох. Онон саас эрдэ бурдуктарын, наадалаах бородуукталарын тириэрдэллэр. Олохтоохтор килиэп астааччыны наймылаhаллар. Ону таhынан икки сыллаагы хортуоппуй сирин бэлэмнээбиттэр, теплица туруорбуттар. Сайын устата о5олор өссө о5уруокка улэлииллэр, о5урсууларын нэhилиэнньэгэ атыыллыыллар.

Оскуола икки сылгылаах: 1 биэ, 1 убаhа. Сылгылары Иван Иванович Слепцов бааhынай хаhаайыстыба көрөр-харайар. Иван Иванович бэйэтэ 2013 сыллаахха, оскуола 100 сыллаах үбүлүөйүгэр, бэлэхтээбит биэтэ. Оскуола сылын аайы убаhаны идэhэлээн, үөрэнээччилэр итии аhылыктарыгар туhанар. Оттон сылгыларга оту бэлэмнииргэ быйыл сайыҥҥы сынньалаҥнарын кэмигэр Мичил Слепцов (11 кыл.), Ваня Никулин(10 кыл) көмөлөстүлэр. Наставниктара Иван Иванович Слепцов.

Туhалаах үлэнэн о5о саадын улахан бөлөгүттэн са5алаан 11 кылааска дылы 8 о5о хабыллыбыт.

О5ону кыра сааhыттан үлэ5э үөрэтэр, үбү-харчыны суоттуурга, бэйэ хаhаайыстыбатын тыа сиригэр тэринэргэ сатабыллары иҥэрэр лаа5ырга сайын устата о5олор элбэххэ үөрэнэллэр.

Сусанна Никитина

газета «Хотугу Кыым»