Ыһыы: Илимниир кырдалларыгар күөх масса үүнүөхтээх буолата 52 га сир хорутуллан, дискэлэнэн, сиэмэ ыһарга бэлэмнэннэ. Икки сменанан тырахтарыыстар Васильев А.М. (салайааччы), Иванов А.П., Васильев С.А. сайыҥҥы күнү сырсан үрдүк таһаарыылаахтык түүннэри-күнүстэри үлэлииллэр. Быйыл барыта 104 га сиргэ ыһыы үлэтэ барыахтаах.

Тутуу: «Татыйыына» фирма тутууга салаата (сал. Ларионова Н.А.) ынах туруохтаах хотонугар, телятникка бу күннэргэ планировка үлэтин бүтэрдэ, тымнытар турбалар тиэллэн бу күннэргэ сварка үлэлэрэ саҕаланыахтара. Тутуу сорох матырыйааллара ууннан кэлэн иһэллэр, истиэнэлэрэ, сарайдара «Татыйыына» производственнай сыаҕа оҥорон таһаарар сэндвич-панелларынан тутуллуохтара.

Башкортостан өрөспүүбүлүкэтин Стерлетамакскай оройуонун Чуртан дэриэбинэтиттэн 120 симментальскай боруода тыһаҕастары атыылаһыыга дуогабар баттанна, от ыйын 5-10 күннэригэр Аллыҥа нэһилиэгин Таала диэн ходуһатыгар кэлэн карантиҥҥа туруохтаахтар. Ынахтар сүөһү тиэйиллэр анал массыыналарынан уонча хонук айаннаан кэлэллэрэ былааннанар.

Источник: Корпоративная газета группы компаний «Татыйыына»