8-800-100-58-80
бесплатная «горячая линия»
для предпринимателей

Новости
Кэнтиккэ өрөспүүбүлүкэтээҕи «Хотун Бүлүү» парикмахердар күрэхтэрэ ыытылынна
16 марта 2018

Кэнники кэмҥэ визажист, стилист, парикмахер диэни элбэхтэ истэбит, көрөбүт уонна күннээҕи олохпутугар туттабыт.

         

Кэнтиктэр бэйэбит кыыспыт, бары өттүнэн дэгиттэр талааннаах, урбаанньыт Мария Ушницкая быһаччы тэрийиитинэн Кэнтиккэ өрөспүүбүлүкэтээҕи «Хотун Бүлүү» парикмахердар күрэхтэрэ үрдүк тэрээһиннээхтик ыытылынна. Күрэххэ барыта 11 кыттааччы эрбии биитинии кииристилэр, Сунтаартан, Тааттаттан, Дьокуускайтан, Ньурбаттан, Үөһээ Бүлүүттэн кытыннылар. Көрүөхтэн кэрэ киэһээҥҥи бүрүчүөскэлэр, декоративнай, ураты көстүүлээх визаж, эр дьон стрижката көрдөрүлүннэ.

                          

Ыалдьыттарга анаан олохтоох ырыаһыттар ылбаҕай ырыаларын бэлэхтээтилэр, «Хотун Бүлүү» уобараһын көрдөрдүлэр.

Түмүккэ, саҕалааччы парикмахердарга гран-при аатын Ирина Николаева, маастардарга Ульяна Чупрова ыллылар. Оттон тыҥырах дизайныгар Жанна Иванова, декоративнай косметикаҕа Алена Ким гран-при аатын туттулар. Салгыы анал ааттар туттарылыннылар, ол курдук, «Бастыҥ эр киһи   стрижката» — Любовь Захарова, «Бастыҥ киэһээҥҥи бүрүчүөскэ» — Васитома Васильева, «Ураты көстүүлээх бүрүчүөскэ» — Айталина Николаева.

Кыттааччылар да, көрөөччүлэр да бары астынан тарҕастылар, чахчыта, үрдүкү искусствоны көрөн астынныбыт. Кыттыбыт, тэрийсибит, күүс-көмө буолбут дьоммутугар махтанабыт!

Источник: Екатерина Николаева, представитель Центра поддержки предпринимательства в Верхневилюйском улусе