Новости
Кластерга «Уйгун» автомастерской үөрүүлээхтик арылынна
12 октября 2018

Улууспут сылын ахсын тупсан, киэркэйэн, сайдыы суолун тутуһан 21 үйэни кытары тэҥҥэ хардыылаан иһэр. Ол курдук баараҕай тутуулар олоххо киирэллэрэ, буор суоллар асфальтка кубулуйаллара, гаас ситимигэр холбонор үөрүүлээх түгэннэр олохпут таһыма үрдээн иһэрин бэлиэтииллэр.

Онтон бу күн буруйдааҕа Афанасий Николаевич Пермяков 2007 сыллаахха Урбаанньыт очурдаах олоҕун талан, 2008 сыллаахха убайын Егор Николаевич көмөтунэн Мурун Тыымпыйа томторугар «Уйгун» автозапчасти маҕаһыыны арыйан үлэтин саҕалаабыта. Күн бүгүн улууспутугар биир бигэ тирэхтээх, эҥкилэ суох эрэллээх маҕаһыыҥҥа кубулуйан үтүө сурахтаммыта оруобуна 10 сыла буолла. Бу дьоһун тугэҥҥэ сөп түбэһиннэрэн улуус дьаһалтата өйөөн, Федеральнай трасса кытыытыгар  Кластерга сир биэрэн, гаас ситимигэр холбоон «Уйгун» автомастерской уонна саппаас чаас маҕаһыына салҕыы сайдар, тэнийэр кыахтанна.

                                  

Билигин Афанасий Николаевич Пермяков «Туймаада голд», Ульяновскай Автомобильнай завод курдук улахан тэрилтэлэри, «14 регион» маҕаһыын, «Ершов» индивидуальнай предприниматель уо.д.а.  атыы эргиэн дьиэлэрин кытары ситимнээхтик үлэлээн УАЗ, Иномарка саппаас чаастарын атыылыырын таһынан массыына өрөмүөннүүр, аныгылыы автосервис баар буолла.  Күн бүгүн «Уйгун» маҕаһыын оҥорор өҥөтө кэҥээбитэ хас биирдии ыалга үөрүүлээх солун буолла.

Федеральнай трасса кытыытыгар «Уйгун» автомастерской бэйэтин үлэтин саҕалаабытын, уһун сындалҕаннаах айанна үлэлиир көлөлөөхтөргө, аара суолга тутатына, нэһилиэккэ киирбэккэ эрэ массыыналарын көрүнэллэригэр, наадыйар саппаас чаастарын уларыталларыгар  Афанасий Николаевич  үлэһиттэрэ үөрэ көтө көрсөн, күүс көмө буолалларын биллэрэбит

Чурапчы  улууһугар предпринимателлэри өйүүр киин бэрэстэбиитэлэ Саргылана Атласова

Есть вопрос?
Позвони 8-800-100-58-80