Кыһыл Үрүйэҕэ баар «Хаҥалас-Ас» ТХПК үүт аһы оҥорон таһаарар сыаҕа күн аайы Хачыкааттан уонна олохтоох бааһынай хаһаайыстабалартан үүтү тута олорор.

Сыахха уопсайа биэс киһи үлэлиир. Санатан эттэххэ, манна былырыыҥҥыттан «Булуус» качотта сыыры оҥорон таһаараллар. Сыл иһигэр дьон-сэргэ бу бородууксуйаны бэркэ сөбүлээтэ. Билигин сыыры киилэтин 800 солкуобайга атыылыыллар.

— Быйыл сайын сыыры оҥорууга 5 тонна былааннаахпытыттан 2,5 тоннаны оҥордубут. Сыыры оҥоруу технологията уустук: үүт хаачыстыбатыттан, сыатыттан-арыытыттан, кислотнаһыттан барыта тутулуктаах. Сарсыарда аайы тутар үүппүтүн анаалыстыыбыт. Сыырга барсар үүт туһунан хараллар. Оҥоһуллубут сыыр ый устата ситэн бэлэм буолар. Билигин күһүн буолла, онон үүт хаачыстыбата ирдэбилгэ эппиэттэспэт буолан тохтоотубут. Туппут үүппүтүн сэппэрээтэллээн күн аайы сүөгэйдиибит, арыылыыбыт, манна миэстэтигэр атыылыыбыт уонна Мохсоҕолооххо тэрилтэбитигэр туттарабыт, — диэн старшай технолог Мотрена Кириллина кылгастык кэпсээтэ.

Подробнее: https://ulus.media/article/25180