×

Следите за новостями в Telegram-канале Центра «Мой бизнес» Якутии

Читать
Новости
Марфа Саввинова: Дьону үөрдэрбиттэн дуоһуйууну ылабын
22 марта 2022

Сунтаарга «Бизнес-инкубатор» дьиэтигэр «Марсуна» диэн ааттаах парикмахерскай баар. Бу манна үлэлиир Марфа Саввиноваҕа күннэтэ дьон баттах кырыйтара, кырааскалата, оҥорторо, бэл сууйтара кэлэллэр.

Парикмахер-универсал Марфа Саввинова «самозанятай» быһыытынан регистрацияланан үлэлээбитэ ыраатта. Бэйэ дьарыктаах буолар билиҥҥи үйэҕэ тоҕоостоох, үлэлээн нолуоккун төлөөн ол таһынан киирбит харчыгын бэйэҕэр дьиэ кэргэҥҥэр киллэрэҕин.

Марфа үлэтин туһунан бу курдук кэпсиир:

— Күҥҥэ уонча киһи баттаҕын кырыйабын уонна быыһыгар тыаҕа олорор килийиэннэрим уочарат быһыытынан эмиэ кэлэн киирэллэр. Сүрүннээн Ollin хампаанньаны кытта үлэлэһэн туттар тэриллэрбин, баттах кырааскалыыр матырыйаалларбын онтон ылабын.

Самозанятай буолар үчүгэй өрүттэрэ элбэх, туох да куһаҕан суох да диэххэ сөп. Бастатан туран бириэмэҕин бэйэҥ аттараҕын, иккиһинэн чугас дьоҥҥун, дьиэ кэргэҥҥин кытта алтыһаргар бириэмэҥ элбиир. Үсүһүнэн хаһан хамнас кэлэрин кэтэспэккин, күн ахсын дохуот киирэ турар.

Онтон биир өттүнэн социальнай көмүскэлэ суох буолаҕын. Ыарыйдаххына больничнай төлөммөт, уоппускаҕа сынньалаҥ диэн суох.

Мин бэйэм талбыт идэбинэн дьарыктанарбын сөбүлүүбүн. Клиеннарым кэрэ сэбэрэлэнэн астыналларыттан дуоһуйабын. Дьону кытта үлэлэһэр киһи быһыытынан бэйэм кэпсэтинньэҥмин, ардыгар психолог да курдук буолан ылабын. Сүбэ-ама да атастаһааччыбыт. Үөрэ-көтө сылдьар киһиэхэ дьон тардыһара биллэр, ол иһин маастар киһи быһыытынан бэйэм тас көрүҥмүн, өйбүн-санаабын наар көрүнэ, сааһылана сылдьабын. Биир тылынан эттэххэ бэйэм да арыллабын, дьон да табыллан аһыллар, үөрэ-көтө кэпсэтэр.

Источник