Новости
Михаил Онуфриев: “Президент дьаһалын быһаччы билбит дьонтон биирдэстэринэн урбаанньыттар буолабыт”
24 декабря 2021

“Дьон олоҕо тупсарыгар үлэлиэхтээхпит. 2024 сылга политическай былааннар тустарынан буолбакка, Россия нэһилиэнньэтин олоҕун таһымын үрдэтэр туһунан толкуйдуохтаахпыт” диэн бүгүҥҥү пресс-конференциятыгар Дойду Президенэ Владимир Путин эттэ. Ити кураанах тыл буолбатаҕын биһиги, орто уонна дьоҕус урбаанынан дьарыктанар дьон чыҥхатык билэн олоробут.

Ол курдук, Президент быһаччы дьаһалынан оҥорон таһаарыынан дьарыктанар урбаанньыттар оборудование атыыласпыт түгэннэригэр сууматын аҥарын төнүннэрэр туһунан дьаһал таһааран турар. Мин шлакоблок оҥорор тэрил атыыласпытым, суумата 400 000 солк. онтубун 50 бырыһыана төнүннэ. Улахан көмө буолбатах үһү дуо, ама?

Аны туран самозанятай буоларым быһыытынан, 2020-2021 сылларга төлөөбүт нолуокпутун бүүс бүтүннүү төнүннэрэр дьаһалыгар олоҕуран докумуоннарбын туттарбытым, бу күннэргэ харчым счеппар түһүөхтээх.

Онон суохтан баары оҥорор, оҥорон таһаарааччы урбаанньыттарга инникитин даҕаны сөптөөх өйөбүл баар буолуо диэн Дойду Президенэ бүгүҥҥү этиитин биһирии иһиттим Көмө баар буоллаҕына оҥорон таһаарыы сайдыа, тыа сиригэр үлэ миэстэтэ үксүө, дьон олоҕо тупсуо буоллаҕа.

Подробнее: https://xn--80aaaambpp4b1d.xn--p1ai/article/35920