Урбаан эйгэтигэр саҥа саҕалыыр предпринимателлэргэ, уопуттаах да дьоҥҥо үлэ-хамнас боппуруостарыгар муҥчаарар түгэннэрэ баар буолар. Оччотугар, идэлээх исписэлиистэр өҥөлөрүнэн туһанарга күһэллэллэр.

Дьокуускай куоракка 2007 сылтан «Нолуок төлөөччүлэр бырааптарын көмүскүүр агенствота» аутсорсинговай хампаанньа ситиһиилээхтик үлэлии турар. Бу тэрилтэ 14 уопуттаах үлэһиттэрдээх, дириэктэринэн Александра Окорокова үлэлиир. Александра Афанасьевна нолуогабай сулууспаҕа үлэлээбит уопуттаах, киэҥ билиилээх-көрүүлээх исписэлиис. Кини нолуогабай сулууспа 2-с рангатын сүбэһитэ, 3-с рангатын иниспиэктэрэ. Тэрилтэҕэ нолуок өттүгэр араас өҥөлөрү оҥороллор, ол курдук, отчуоттары, суукка предприниматель интэриэстэрин көмүскүүллэр, саҥа саҕалааччы предпринимателлэргэ нолуок режимин толороллор, юридическэй боппуруостары быһаараллар. Маны таһынан, «Нолуок төлөөччүлэр бырааптарын көмүскүүр агенствота» улуустар предпринимателлэрин кытары ыкса сибээстээхтик үлэлэһэллэр, араас туһалаах сэминээрдэри тэрийэн ыыталлар. Биирдиилээн дьону да кытары кэпсэтэллэр.

Балаҕан ыйын 25 күнүн – Саха сирин предпринимателлэрин күннэрин көрсө, биһиги улууспутугар, улуус дьаһалтатын аактабай саалатыгар бу тэрилтэ кыттыылаах улахан сэминээр ыытылынна. Саҥа саҕалааччылар, уопуттаах предпринимателлэр  билии-көрүү эбинэ, биисинэстэрин өссө сайдарын туһугар көхтөөхтүк кытыннылар. Күүстээх сэминээр буолла, кэлбит урбаанньыттар астынан аҕай бардылар

Балаһаны бэлэмнээтэ Мария ВАСИЛЬЕВА