Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
НЬУРБАҔА «ТАЛБА»
6 июля 2020

Ыаллыы сытар Ньурба куоракка бастакы «Татыйыына» маҕаһыын арыллыбыта уонтан тахса сыл буолла, билигин «Татыйыына» диэн улахан атыы-эргиэн киинэ, база, Убайаан, Антоновка микрооройуоннарыгар, куорат ортотугар «Все для дома» бытовой техника, тутуу матырыйааллара атыыланар хас да маҕаһыыннарга олохтоохтор сөбүлээн сылдьар, атыылаһар кииннэрэ буолан турар. Маны таһынан, «Татыйыына» атыы-эргиэн киинигэр минньигэс астаах «Татыйык» кафеҕа төрөппүттэр оҕолорунаан сылдьалларын ордороллор. Барыта Ньурбаҕа 64 киһи бу компанияҕа үлэ миэстэтин булунан, үөрэ-көтө ситиһиилээхтик айа-тута сылдьаллар.

«Талба» диэн ааттаах кондитерскай сыах, пекарня куорат олохтоохторун минньигэс сибиэһэй бурдук аһынан толору хааччыйар. Салайааччы – Татьяна Анатольевна Куприянова. Алта сыл анараа өттүгэр, аан бастаан «Татыйыына» аанын аһан, үлэ көрдөһө кэлбитигэр, саҥа атыы-эргиэн киинигэр промышленнай отдел сэбиэдиссэйинэн анаммыта, салгыы офиска менеджерынан үлэлээбитэ. Салайааччы буолуох дьонун өтө көрөн, Нина Прокопьевна былаан быһыытынан үөрэхтэрин үрдэттэрэр. Ол курдук, Татьяна Анатольевна Москва куоракка «Русская школа управления» үөрэҕин ситиһиилээхтик бүтэрэн, розничнай отдел салайааччытынан буолбута. Кини отделыгар алта эдэр, эрчимнээх үлэһиттээх. Үлэһиттэр бары даҕаны, компания миссиятын өйдөөн, ылынан, чахчы дьон туһугар кыһаллан үлэлии-хамсыы сылдьаллар. Салгыы Татьяна Анатольевна «менеджер промтоварного отдела» дуоһунаска үрдээн барбыта, эһиилигэр «Талба» салайааччытынан талыллыбыта. «Компанияҕа үлэлиирбин бастакы күннэртэн интэриэһиргээбитим, үлэһиттэри систематически үөрэтэллэр, элбэх билиини ылабыт, саҥаны бириэмэтигэр билиһиннэрэллэр, үлэҥ түмүгүн тэҥҥэ анализтаан, ырытан иһэллэрэ табыгастаах, түмүгүн билэҥҥин, эбэҕин, саҥаны киллэрэҕин. Уопут атастаһыытын, саҥа каадырдары үөрэтиини компания ыытара олус үчүгэй, туһалаах дии саныыбын», — диэн Татьяна санаатын үллэстэр.

Билигин «Талба» производственнай тэрилтэтигэр 4 пекарь, 1 оробуочай, 4 кондитер, 2 повар, 2 фасовщик, 1 оператор-кладовщик, биир сэбиэдиссэй буолан үлэлииллэр. Килиэп 6 көрүҥүн, 22 араас торт, 20 тахса араас минньигэс бэчиэнньэ, бэрэскии, пирогтар, атын да бурдук аһын астаан, дьону үөрдэллэр. «Куорат олохтоохторо сывороточнай килиэби ордороллор, ыраах нэһилиэктэртэн үлэһэн, кытта ыллараллар. Маҕаһыын арыллар кэмигэр сылаас килиэп тиийэрин курдук, биэкэрдэр сарсыарда 5 чаастан үлэлэрэ саҕаланар, онон бу тэрилтэ бүппэт үлэлээх диэххэ сөп. Күн аайы сибиэһэй салаат арааһа астанар, клиеннэрбит интэриэстэрин учуоттуубут, баҕа санааларын төһө кыалларынан толоро сатыыбыт», — диэн үөрэ кэпсиир. Ньурба куорат, улуус олохтоохторун оҥорон таһаарар аһынан хааччыйар «Талба» производственнай тэрилтэ үлэһиттэригэр, салайааччытыгар Татьяна Анатольевнаҕа түбүктээх үлэҕит ситиһиилээх, клиеннэргит мэлдьи үөрэ-көтө атыылаһан астынан барар буоллуннар диэн, баҕа санаабытын этэбит.

Источник: Корпоративная газета группы компаний «Татыйыына»