Үлэтэ суох киһи социальнай хантараак түһэрсэн бэйэ дьыалатын арынара олус табыгастаах.

Үөдэй нэһилиэгин үс эмдэй-сэмдэй кыра оҕолордоох дьиэ кэргэн аҕата Николай Васильевич Андреев тыа сиригэр үлэ миэстэтэ суоҕунан, дьиэ кэргэн дохуотун үрдэтэр сыалтан  улуустааҕы социальнай харалта управлениетын кытары быйыл соцхантараак  түһэристэ. Хантараак түһэрсээччи Николайы Маардааҕы техникумҥа  үөрэҕин төлөбүрүн  төлөөн, сыбаарсык идэтигэр үөрэттэрэр. Ыал ийэтэ Үөдэй нэһилиэгин дьаһалтатыгар тыа хаһаайыстыбатын исписэлииһинэн үлэлиир.

Бу иннинэ Николай Васильевич тутууга, куорат ыккардыгар  таксилыы сылдьыбыт.

—  Тимири сыбааркалааһыҥҥа сыһыаннаах буоламмын, сыал-сорук оҥостон, бэйэ дьыалатын астарга сананным. Сакааска мангаллары, ыскаамыйалары, тэлгэһэ олбуорун, хачыаллары оҥорон атыыга таһаарар баҕалаахпын. Билиҥҥитэ Мииринэйтэн, Сунтаартан, Ньурбаттан сакаастар киирэллэр. Инники былааммар улахан тэрил, станок ылан үлэбин сайыннарар санаалаахпын, — диэн ыал аҕата этэр.