Саха Өрөспүүбүлүкэтин урбааҥҥа, атыыга уонна туризмҥа министиэристибэтин рабочай бөлөҕүн үлэтэ Ньурба оройуонугар Дьаархан нэһилиэгиттэн саҕаланна. Сарсыарда 10 чаастан нэһилиэк дьаһалтатын дьиэтигэр идэтийбит урбаанньыттарга, тус бэйэ дьарыктаах дьоҥҥо, урбаанынан дьарыктаныан баҕалаах Дьаархан уонна Чаппанда нэһилиэктэрин олохтоохторугар семинар ыытылынна. Семинарга олохтоохтор үлэлээх буолууларыгар быһаччы эбээһинэстээх икки нэһилиэк баһылыктара Александров П. М. уонна Бухолов К. Г. кыттыыны ыллылар.

Семинары Ньурбатааҕы бизнес-инкубатор директора Михайлова Н. М. салайан ыытта. Аччыгый уонна орто урбааҥҥа оҥоһуллар көмөлөр тустарынан «СР урбаан сайдыытын фондата» МКК генеральнай директорын солбуйааччы Анна Кимовна Александрова, эмиэ ити тэрилтэ кылаабынай специалиһа Алексей Климович Сергеев уонна СР «Центр «Мой бизнес» тэрилтэ Ньурба оройуонугар бэрэстэбиитэлэ Елена Валентиновна Романова сиһилии кэпсээтилэр, ыйытыктарга хоруйдаатылар. Семинарга кыттыбыт дьон урбаанынан дьарыктанарга анал сүбэлэри истэн, микрозайм ылыы туһунан сиһилии билсэн, астынан тарҕастылар. Салҕыы семинары ыытааччылар индивидуальнай предприниматель Васильев Альберт Иванович салайар маһы таҥастыыр уонна сүөһү өлөрөн астыыр сыахтарын көрдүлэр.

ГАУ РС(Я) «Центр «Мой бизнес»