Муус устар 29 күнүгэр улуус баһылыга Иннокентьев Алексей Михайлович уонна кини бастакы солбуйааччыта Яковлев Артур Янович Биисинэс-инкубаторга Ньурба куоратын уонна чугастааҕы нэһилиэктэр предпринимательларын кытта көрүстүлэр.

Салайааччылар улууска ыытыллар үлэ-хамнас уонна былааннар тустарынан иһитиннэрии оҥордулар, предпринимательство эйгэтигэр турар инники соруктарга тохтоотулар, ыйытыыларга хоруйдаатылар. Кэпсэтиигэ предпринимательлар бэйэлэрин санааларын уонна туруорсууларын тиэртилэр.

Сүбэ мунньах түмүгүнэн Биисинэс-инкубатор генеральнай дириэктэрэ Н.М. Михайловаҕа Ньурба куоракка производственнай уонна агро-кластеры тэрийэргэ этиилэри уонна үлэ былаанын ырытан оҥорон киллэрэригэр сорудахтанна. Нэһилиэнньэҕэ бытовой, култуурунай-аралдьытар, туристическай, тыа хаһаайыстыбатын бородууксуйатын астыыр-үөллүүр, ритуальнай өҥөлөрү сайыннарарга сорук турар. Ательелар, парикмахерскайдар үлэлиир дьоҥҥо табыгастаах буоларын курдук өрөбүлгэ үлэлииллэрин наадата ыйылынна. Предпринимательлар туруорсууларын учуоттаан, улууска солуок фондата тэриллиэн сөп бырайыактарынан үбүлээһин оҥоһуллуоҕа, эһиилгиттэн оборудование ыларга улуустан субсидия көрөргө былааннанар.

Кэпсэтиини түмүктээн, А.М. Иннокентьев предпринимательствоҕа этиилэри хомуйан быйыл бырайыактар ырытан оҥоһуллуохтарын, эһиилгиттэн улууска наадалаах, ол иһигэр олохтоох производствоны уонна нэһилиэнньэҕэ төлөбүрдээх өҥөлөрү сайыннарарга туһуламмыттары олоххо киллэриигэ, быйыл тыа хаһаайыстыбатыгар үбүлээһин көрүллүбүтүн курдук, харчы көрүллүөҕүн иһитиннэрдэ.

Представитель Центра поддержки предпринимательства в Нюрбинском улусе Любовь Семеновна