Ньурбатааҕы көтөр фабрикатыгар сир ириитин түмүгэр муоста эмискэ хамсаан кууруссалар турар клеткалара суулунна. ТХМ сүөһү иитиитигэр уонна племенной дьыалаҕа департаменын кылаабынай исписэлииһэ Лена Сташкова уонна тутуу исписэлииһэ Дьулустаан Холмогоров кэлэн үлэлээтилэр. Кууруссалары быыһыырга чуолкай уонна тэрээһиннээх үлэ барбытын бэлиэтээтилэр.

Ыам ыйын 18 күнүттэн өрөбүлэ суох тэрилтэ үлэһиттэрэ, чугас сытар дэриэбинэлэр, Ньурба олохтоохторо уонна предпринимателлар кууруссалары быыһыырга күүстээхтик үлэлээтилэр.

Ынырыыны ылынаннар көхтөөхтүк үлэлэспит, бириэмэннэй тутууга строительнай матырыйаалынан уонна үлэһиттэри аһынан хааччыйбыт Ньурба предпринимательларыгар Ньурбатааҕы бизнес-инкубатор генеральнай директора Михайлова Нюргуяна Михайловна «Махтал сурук» туттартаата.

Республикатааҕы урбаанньыттары өйүүр киин Ньурбатааҕы сэбиэдиссэйэ Любовь Иванова