Улууспут дьоно бары да саҥа хотон хаhан тутуллан бутэн, улэ5э киирэр диэн ыйытыыга сылдьар буолуохтаахтар. Дьон бэйэ-бэйэтиттэн истэн, сурах хоту эрэ билэн олоробут. Онон сибээстээн бу улэни иилээн – са5алаан ыыппыт эппиэтинэстээх бэдэрээччиги Василий Васильевиhы кытта кэпсэттибит.
— Бэйэбит тэрилтэбит туhунан кылгастык билиhиннэрэр буоллахха, биhиги 2010 сыллаахтан тутуу эйгэтигэр улэлээбиппит. Чурапчы улууhугар регистрацияланан ООО «СГ-Строй» диэн тэрилтэ буолбуппут.
Эбээн Бытантай улууhугар судаарыстыбаннай контракт туhэрсэн улахан ферма хотонун тутуутугар улэлии кэлбиппит, бу билигин улаханын бутэрэн бардыбыт. Манна «СГ-Строй» ген. бэдэрээччик уонна застройщик бэйэтэ буолар. Олохтоох тэрилтэлэр, урбаанньыттар тэҥҥэ улэлээтилэр (хаптаhын онорооhун, уоту тардыы, мас муостатын, буор кутааhын, тэҥнээhин, уу тардааhын, оттук мас тиэйэн).
Сурун улэ алтынньы, сэтинньи, ахсынньы ыйдарга ыытылынна.
Хотон тула ыам ыйыгар, бэс ыйыгар 1 миэтирэ бетон кутуллан оноhуллара, миэбэл кэлэрэ хаалбыта, ол олунньу ыйга эбэтэр кулун тутарга былааннанар.
Хотону туруоран, бутэйин сабан, итиитин киллэрэн бараммыт сылааска улэлээтибит уонна халлааммыт да өр сылаас туран биэрдэ.
Бу тутууга уопсайа 20 киhи улэлээтэ.
Улэбит кэмигэр элбэх ыарахаттары көрустубут диэххэ соп. Холобура, суол — иис суо5а, сөмөлyөккэ билиэт булар эрэйдээх, кэлэргэ-барарга, ону таhынан сыаната сытта5а. ГСМ олохтоохторго атыыга суох буолан биэрбитэ, хата Аэропорду оҥорооччуларга баар буолан улэ та5ыста. Улуускутугар бородуукта сыаната наhаа ыарахан эбит. Уот олох молтох, сварщиктар сордоммуттара а5ай, улэлэрэ уот мөлтө5уттэн бытаара сыспыта.
Хотон акылаата-турбалыы. Каркааhа тимир конструкция. Истиэнэ, хоруобуйа аныгы Сэндвич-панель диэн буолар. Олохтоохтор корон сэҥээрдилэр.
Тутар матырыйаалларбыт барыта саас массыыналарынан кэлбитэ, уопсайа 12 рейс оноhуллубута.
Благоустройствоттан илии суунар раковина эрэ баар, итии уонна тымныы уулаах. Туалет уонна душ ассенизаторскай техника суох буолан проектан устубуттара.
Ол да буоллар, хата барыта этэннэ ситтэ, буттэ диэххэ соп. Элбэ5и бэйэбититтэн эбэн биэрдибит. Бу улэбит көрдөруулээх буолла дии саныыбыт, — диэн кэпсээтэ.
Дьэ, кырдьык да киhи эрэ улэлии сылдьыах курдук буолбут диэн санаа5а киирдибит, хаартыска туhэрэ сылдьаммыт. Манна элбэх да элбэх суөhу кэлэн турар миэстэлээх, киэн-куон сырдык хотон оноhуллан тахсыбыт. Улэhиттэргэ анаан туспа хас да хостордоох хонтуораламмыттар.
Ити курдук саҥа хотон тумуктэнэн эрэр сонунун биллибит. Аны кэнники улэ-хамнас куөстуу оргуйарын са5ана ким улэлии сылдьарын, тоhо суөhy кэлэн турбутун туhунан билээри баран эмиэ билсиэхпит, көруөхпут.
Марианна Слепцова