Саха сирин предпринимателлэрин декадатын чэрчитинэн, М.А.Алексеев аатынан республикатаа5ы лицей-интернакка улууспут биллэр-көстөр предпринимателлэрэ аhа5ас уруоктары ыыттылар.
Ол курдук, Лена Михайлова (“Мила” ма5аhыын), Анна Васильева (“Булгунньахтаах”), Эльвира Федорова (“Модная точка” ма5аhыын) буоланнар хайдах предприниматель буоларга, тыа хаhаайыстыбатын тэрийиигэ аhа5ас уруок ыыттылар. Маны таhынан, Эльвира Афанасьевна атыылыыр таҥаhын кыргыттар кэтэн дефиле көрдөрдүлэр. Раиса Степанова (“Дока” килиэп) уонна Инна Иванова (“Натали” ма5аhыын) викториналаах, оонньуулаах уруогу тэрийдилэр. Салгыы да Раиса Егоровна 10-с кылаастары кытары шефтэhэр ба5алаа5ын биллэрдэ, оскуоланы бүтэрэллэригэр биир үчүгэй үөрэхтээх о5о5о грант олохтуох буолла. “Ыраас ууну” оҥорор эдэр урбаанньыт Федот Филиппов бизнес-былааны хайдах суруйарга үөрэттэ, “Баалыкай” ХЭТ салайааччыта Николай Еттянов, “Утум” тэрилтэ салайааччытын солбуйааччыта Надежда Федотова уонна “Уйгу” ма5аhыын салайааччыта Ирина Иванова буоланнар атыы-эргиэн туhунан кэпсээтилэр. Ону сэргэ, урбаанньыт Андрей Петров, урбааны өйүүр киин салайааччыта Екатерина Николаева эмиэ аhа5ас, сэргэх уруоктары ыыттылар.
Маны таhынан, предпринимателлэр о5олорго араас сорудахтары биэрэн, о5олор билиилэрин-көрүүлэрин тургутан көрдүлэр. Ол курдук, о5олор чааhынай тэрилтэлэргэ сылдьан, урбаанньыттар үлэлэрин кытары билистилэр уонна бырайыактары оҥорон көмүскээтилэр. Биэс кылаас үөрэнээччилэрэ күрэххэ кытыннылар, бастакы, иккис, үhүс миэстэлэри быhаардылар уонна харчылаах бириэмийэлэри туттардылар. үөhээ Бүлүү бөhүөлэгин баhылыга Максим Силигиянов бөhүөлэк сайдыытыгар туhууламмыт бастыҥ бырайыагы суруйбут о5о5о дьаhалта аатыттан бириис олохтуох буолла.
Иккис сорудахха о5олор “Мин киэн туттар урбаанньытым”, “Я будущий бизнесмен”, “Хобби, которое приносит деньги”, “История денег” о.д.а. тиэмэлэргэ кылгас өйтөн суруйууларын билиhиннэрдилэр. Манна 40-ча о5о кытынна. Түмүккэ, бастакы миэстэни 10 кылаас үөрэнээччитэ Женя Иванов, иккис миэстэни 10 кылаас үөрэнээччитэ Максим Иванов, үсүhү 7 кылаас үөрэнээччитэ Андриан Иванов ыллылар. О5олорго бириистэри, сертификаттары туттардылар. Биhирэбил бириистэри 7 кылаас үөрэнээччитэ Алгыс Лебедкин, 5 кылаас үөрэнээччитэ Жанна Матвеева ыллылар.