Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
Руслан Федотов: “Көмөбүт учууталлары өйүүргэ уонна үөрэх хаачыстыбатын үрдэтэргэ туһуланар”
25 августа 2021

Ил Түмэн депутата Руслан Федотов сыллата оскуола боруогун аан бастаан атыллааччыларга үөрэх дьыла саҕаланыан иннинэ көмө оҥорор уонна Болугур орто оскуолатыгар 100000 солкуобайы аныырын эттэ.

Амма улууһун үөрэҕин сайдыытыгар уонна учууталлары өйүүргэ – маннык сыаллаах көмө бүгүн Ил Түмэн депутата Руслан Федотовтан туттарылынна. Көрсүһүүнү  улуус баһылыга Николай Архипов салайан ыытта. Хардарыта олорон кэпсэтиигэ улуустааҕы үөрэх управлениетын начальнига Юрий Шишигин  депутакка саҥа үөрэх дьылыгар оскуолалар уонна уһуйааннар толору бэлэмнэрин, билиҥҥи туругунан үөрэх урукку үгэһинэн ыытыллаары былааннанарын, үөрэх эйгэтин үлэһиттэрэ  80-тан тахса бырыһыаннара быһыы ылбыттарын,  үөрэххэ киирии туругун, ону тэҥэ үөрэх саҥа дьылыгар бэлэмнэнии хайдах баран иһэрин кылгастык билиһиннэрдэ. Онтон Болугур орто оскуолатын  директора Татьяна Иванова оскуола үлэтин-хамнаһын, ситиһиилэрин, кэлэр сылга оскуолалара 115 сылын туолуохтаах үбүлүөйүгэр бэлэмнэнии туһунан кэпсээтэ. Үбүлүөйгэ бэлэмнэнии биир хардыытынан Болугур оскуолатын үөрэнээччилэригэр анал дневник оҥоһуллубутун иһитиннэрдэ уонна биир экземплярын улуус баһылыгар туттарда.

“Биһиги тэрилтэбит сыл аайы оскуолаҕа киирэр үөрэнээччилэргэ аналлаах набор биэрэр үгэстээхпит. Ол үгэспитин быйыл эмиэ тутустубут. Ону бу улууска аҕалан туттардыбыт. Бэйэм хас нэһилиэк оскуолатыгар попечитель буолабын. Маны сэргэ сыл аайы сыл түмүгүнэн оскуола учууталларыгар номинация анаан 100 000 солкуобай туттарабыт. Ол курдук, холобура аан бастаан үөрэммит оскуолабар, Амма 1№-дээх оскуолатыгар анаабытым.  Ити кэнниттэн Амма 2№-дээх оскуолатыгар туттарбыппыт. Онтон быйыл улууспут биир улахан нэһилиэгин оскуолатыгар, Болугурга биэрдибит. Нэһилиэк бэйэтэ баай историялаах, оскуолата да үрдүк ситиһиилэрдээх диэн сыаналыыбыт. Оҥоһуллар көмө барыта оҕо иитиитигэр, кини сайдыытыгар, ону сэргэ үөрэх хаачыстыбата тупсарыгар, учууталлар үлэлэрин көҕүлүүргэ туһуланар. Сотору үөрэх саҕаланыа. Ол үөрэххэ оҕолорбут паарталарга олорон үөрэнэллэрэ буоллар диэн баҕа санаалаахпын ”, — диэн Руслан Еремеевич санаатын үллэһиннэ.

Депутат бэйэтин дойдутугар ити курдук хайа баҕарар өртүнэн көмөлөһө, туох кыалларынан сүбэлии, кыалларын оҥоро сылдьар. Бу  кэлиитигэр кини үөрэх эрэ эйгэтинэн буолбакка, тыа хаһаайыстыбатын боппуруостарын эмиэ быһаарыста. Ол курдук үөрэх үлэһиттэрин кытта көрсөн баран, “Амма” ААУУо салайааччыларын кытта көрсөн, тирээн турар боппуруостары дьүүллэстэ.

Источник