Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

Новости
Саҥа саҕалааччыларга туһуламмыт вебинарга Үөһээ-Бүлүүлэр көхтөөхтүк кытталлар
25 сентября 2020

Бу күннэргэ өрөспүүбүлүкэ урбаанньыттарын күнүгэр анаммыт тэрээһиннэр онлайн бара тураллар. Куйаар ситиминэн маастар-кылаастар, төгүрүк остуоллар, вебинардар ыытыллаллар. Манна билигин үлэлии сылдьар урбаанньыттар, саҥа саҕалааччылар көхтөөх кыттыыны ыла сылдьаллар. Үөһээ Бүлүү улууһугар урбаанньыттарга уонна бэйэ дьыалатынан дьарыктаныан баҕалаахтарга балаҕан ыйын 23-24 күннэригэр “Самозанятые от А до Я” уонна “Отмена ЕНВД, переход на другие режимы” диэн вебинардар буоллулар. Вебинары нолуогу төлөөччүлэр бырааптарын көмүскүүр “НалогЯкт” агенство салайааччыта Анна Окорокова ыытта.

Вебинар кыттааччылара: бэйэ дьыалатынан дьарыгырыы дуу, биитэр урбаанньыт быһыытынан регистрацияланыы хайдаҕын, бэйэ дьыалатын тэринээччи быһыытынан хайдах регистрацияны ааһыахха сөбүн, нолуогу төлөөһүнү, аахсыыны араас сыһыарыыларга киирии, чиэктэри толоруу, ыытыыны, чиэги сыыһа толордоххо тугу гыныахха сөбүн биллилэр.

Вебинар ыытыллыбыт кэмин устата видео-уруоктар, чиэк-лиистэр көрдөрүллэн, быһаарыллан, чуолкайданан истилэр. Тэрээһин түмүгүнэн биир кыттааччы бэйэ дьыалатынан дьарыктанааччы быһыытынан учуокка турда (регистрацияланна).

Марианна Стручкова, вебинар кыттааччыта:

Мин бу бэйэ дьыалатын тэриниигэ нолуок диэни истээт да интэриэһиргээбитим. Билиҥҥи үйэҕэ аҥардас хамнаска олорор ыарахан. Тугу эрэ эбии толкуйдаан, харчы хамсатар үйэ кэллэ. Ол курдук, бэйэм 4 №-дээх “Сардаана” оҕо уһуйааныгар иитээччинэн үлэлиибин. Иллэҥ кэммэр туорт оҥорон дьарыгырбытым, дьон мааны остуолун киэргэтэр үөрүүгэ кыттыспытым 20-чэ сыл буолла. Ол эрэн, ханнык баҕар үлэ түһэр-тахсар кэмнээх, син уһуннук тохтоон баран, саҥаттан ылсыбытым 4-5 сыл буолла. Туордунан эрэ дьарыгырабын диир кыра буолуо. Ийэм кыра эрдэхпиттэн иискэ сыһыаран, кэнники үлэбитигэр сэбиэдиссэйим Тамара Афанасьевна сүбэтинэн иистэнэр, дьоҥҥо сакааска тигэр буолбутум. Уонна “Амвей” хампаанньаҕа баарбын, билигин да бородууксуйалары кыралаан сакаастыыбын, бэйэбиттэн ордорон атыылыыбын. Ити курдук барытыттан кыра кыратык дьарыгырар буолан, бу нолуокка киирбит саҥа сүүрээни сонно тута интэриэһиргээбитим. Эрдэ нолуок төлүүр “Мои налоги” сыһыарыыга, биир ыйытыкка эппиэт булбакка, киирбэккэ сылдьыбытым. Бэҕэһээ бу ыйытыкпар сөптөөх хоруй ылан, быһа биэрии кэмигэр регистрацияламмытым. Ол сыһыарыыга атыылаабыт бородууксуйаҕар чек оҥороҕун, ол чеккыттан 4% ылар. Туох да каассабай аппараат, бэчээт, отчуот наадата суох. Төһө чек оҥоһуллубутунан ый бүтэһигэр ааҕан ылар. Бу пандемиянан сибээстээн судаарыстыба 12130 солкуобай буонус биэрэр +10 тыһыынча. Онон ити сыһыарыыга киирдиҥ да бонус 22130 солкуобай баар буолар. Ити 4% бонуспуттан көҕүрээн иһиэхтээх. Онон ити 22130 солкуобай бүтүөр диэри мин хармааммыттан нолуок төлөөбөппүн. Билигин сүрүн үлэбэр таҕыстым, онон сакаас бириэмэбиттэн көрөн ылар буолуом, нолуок төлүүбүн диэн нус-хас буолуом. Бу курдук толору хоруйдардаах, лоп бааччы киһиэхэ олус наадалаах вебинарга сырыттым диэн олус үөрдүм.

Наталья Алексеева, вебинар кыттааччыта:

Мин кэргэним Петр Алексеев урбаанньыт. 2009 сылтан өрүс уҥуор Чаллыртан Түүкээҥҥэ диэри федеральнай суол туруктаах буоларын көрөр-истэр, үлэлэһэр, ону таһынан тыа сирин кыһыҥҥы, сайыҥҥы суолларын көрөр. Бу вебинарга кэргэним үлэтигэр патент, нолуок тиэмэлэригэр боппуруостары биэрдим. Холобура, патент ылар киһи сылга биирдэ тустаах суумманы төлөөн кэбиһэр, ол сууммата хас тиэхиньикэлээххиттэн тутулуктаах эбит, онтукайын барыта учуоттаах, госрегистрациялаах буолуохтаах, ону ылбыт киһи нолуок төлөөбөт диэн өйдөөтүм. Мин санаабар бу маннык вебинардар олус наадалаахтар, ол эрэн, өссө да боппуруостар элбэхтэр.

Бу курдук, урбаанынан дьарыктанааччыларга маннык тэрээһиннэр ордук наадалаахтар уонна суолталаахтар. Судургута суох кэмҥэ биисинэһинэн дьарыктанааччылары түмэр соруктаах наадалаах, туһалаах, интэриэһинэй уонна болҕомтону тардар куйаар ситиминэн ыытыллыбыт тэрээһиннэргэ сылдьан, урбаанньыттар уонна бэйэ дьыалатын тэриниэн баҕалаахтар астыммыттарын, туһаммыттарын бэлиэтээтилэр.

Автор Зинаида ГРИГОРЬЕВА

Источник: ULUSMEDIA