Бэҕэһээ СӨ Ил Дархана өрөспүүбүлүкэ олохтоохторугар куйаар ситиминэн быһа эфирга тахсан, локдаун уһаабат буолбутун иһитиннэрбитэ.

Сэтинньи 8 күнүттэн үлэ күнэ саҕаланар. Айсен Николаев иһитиннэрбитинэн, республикаҕа вакцинаны ылыы кэнники күннэргэ икки төгүл үрдээбит. Коллективнай иммунитет билиҥҥитэ Россия үрдүнэн 48 буолбут. Билэрбит курдук, бу бырыһыан 80 тиийдэҕинэ эрэ өрө тыынар кыахтаахпыт.

Бэҕэһээҥҥи быһа эфир кэнниттэн Бэрдьигэстээххэ соҕотох «Бодилайн» фитнес-киинин салайааччыта Мария Дььяконова санаатын үллэстэр:

— Сэтинньи 8 күнүттэн спортивнай саалалар, кииннэр очно үлэлиир буолбуттарын истэн үөрдүбүт. Биһиэхэ фитнес-кииммит арылларын үгүс киһи кэтэһэр. QR-кодтаах вакцина ылбыт дьоммутун кытта салгыы үлэлииргэ бэлэммит. Дьарык кэмигэр хайаан да бары санитарнай ирдэбили тутуһан үлэлиибит. Инники биир дьарыкка 10 киһини ылар буоллахпытына, билигин дистанцияны тутуһан 7 киһи буолла.

Онон улууспут олохтоохторун спордунан көхтөөхтүк дьарыктаныҥ, чэгэн-чэбдик сылдьыҥ диэн ыҥырабын. Быһыыны ылан нэһилиэнньэбитигэр коллективнай иммунитет олохтоноругар бары кыһаллыахха.

Подробнее: https://ulus.media/article/30025