Новости "Центра "Мой бизнес"
Сунтаар улууһугар маастардарын уонна уустарын түмсүүтүн “төгүрүк остуола” ыытылынна
26 апреля 2021

«Партизан» народнай киин балаҕаныгар Сунтаар улууһун маастардарын уонна уустарын түмсүүтүн «төгүрүк остуола» буолла.

Мунньаҕы Сунтаар улууһун маастардарын уонна уустарын түмсүүтүн салайааччыта Ксения Семенова иилээн-саҕалаан ыытта.

Уустарга анаан ГАУ РС(Я) “Центр “Мой бизнес” сэбиэдиссэйэ Агафья Прокопьева сулумах урбаан уонна бэйэ дьарыга туһунан сырдатта, туһааннаах интэриэһиргиир боппуруостарыгар эппиэт биэрдэ.

«Быһах оҥорооччуга сулумах урбаан эбэтэр бэйэ дьарыга буолара ордук дуо?», – диэн ыйытыы киирбитэ. Сулумах урбаан буолуон наада. Быһах оҥорооччуга лицензия ирдэнэр, нолуокка идэтийбит дохуоттаах нолуогун талара ордук. Норуот маастардара үксэ үлэлээх дьон буолалларын быһыытынан субсидияҕа, граҥҥа кыттар былаана суох буоллаҕына, оҥорон таһаарар бородуксууйатыгар лицензия ирдэммэт буоллаҕына бэйэ дьарыга буолаллара ордук», –  Агафья Антоновна быһаарар.

ГАУ РС(Я) “Центр “Мой бизнес”.