Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

История успеха
Талааны кытта бизнеһи дьүөрэлээн
8 декабря 2021

Билиҥҥи үйэҕэ киһи талба талаанын бизнеһи кытары дьүөрэлээн, дьоҥҥо-сэргэҕэ өҥөнү оҥоруон сөп. Биһиги судаарыстыбабыт маныаха сөптөөх усулуобуйаны тэрийэн, элбэх киһи социальнай хантыраакка кыттан, бэйэ дьыалатын саҕалаата.

Улууспутугар биир олус интэриэһинэй дьарыктаах киһинэн Саргылана Афанасьева буолар. Кини эпоксиднай сымаланан ханна да хатыламмат эксклюзивнай иһити-хомуоһу, куукуна киэргэллэрин оҥорор. Ону таһынан сакааһынан ыал куукунатын, саалатын ыскааптарын, миэбэллэрин ураты дизайннаан, кырааскалаан, киэргэтэн, оһуордаан-мандардаан биэрэр.

Хас биирдии хаһаайка баай фантазиялаах. Дьиэтин-уотун хайдах киэргэтэрин, тупсарарын араастаан былаанныыр. Үксүгэр кимиэхэ да майгыннаабат, хатыламмат дизайннаах буолуон баҕарар. Бу түгэҥҥэ айар куттаах, талааннаах Саргылана Афанасьева сакаас биэрээччилэри кытары сүбэлэһэн, кинилэр дьиэлэригэр баһыйар үгүс өҥү дьүөрэлээн, араас, эриэккэс кырааскалары булкуйан, блестканан кылабачытан, фрукта уурар иһиттэри, хлебницаны, подностары, чааскы анныгар уурар подставкалары, хартыыналары оҥорор. Миэбэллэргэ оһуордары түһэрэр.

Холобура, хайа баҕарар ыал дьиэтигэр мааны миэбэл буолар сурунаал остуолун оҥорор. Остуол, биллэн турар, өҥө-дьүһүнэ, быһыыта-таһаата сакааһынан, ыал саалатыгар сөп түбэһиннэрэн буолар. Ол эрэн, остуол матырыйаала, бөҕөтө-таҕата, кыраһыабайа, хатыламмата, уратыта сыанатыгар толору эппиэттэһэр.

Инникитин Саргылаана ытарҕалары, кулуоннары, вазалары оҥорон атыыга таһаарар былааннаах. Кини айымньылара — барыта улахан сыраны эрэйэр, ис сүрэхтэн кичэйэн, сүрэх сылааһын ууран туран оҥоһуллар, кыраһыабай илии үлэлэрэ. Илии үлэлэрэ ханнык баҕарар кэмҥэ, хайа баҕарар дойдуга улаханнык сыаналаналлар.

Саргыланаттан хаһааҥҥыттан бу дьарыгынан үлүһүйэн дьарыктанаҕын уонна хантан үөрэммиккиний диэн ыйыппыппар:
— Мин оҕо эрдэхпиттэн айар, илиинэн оҥорор дьарыктаахпын. Аҕам Павлов Степан Спиридонович туойунан иһиттэри, көмүлүөк оһоҕу оҥорооччу. Мин кыра эрдэхпиттэн бу дьарыкка сыстан барбытым. Ону тэҥэ оҕуруонан эмиэ киэргэллэри сөбүлээн оҥорооччубун.

Бэйэм идэбинэн медицинскэй физикпин. Социальнай хантыраакка кыттарбар араас дьарыгы толкуйдаан көрбүтүм. Ол эрэн, нэһилиэнньэҕэ ураты, кимиэхэ да суох дьарыгы тобула сатаабытым. Толкуйдаан, сыымайдаан, талан баран, санаам эпоксиднай сымаланан иһити-хомуоһу, оҥоһуктары кутан оҥорорго тохтообута. Техникатын барытын интэриниэттэн көрөн үөрэммитим.

Бу дьарыкпын олоххо киллэрэрбэр араас инструменнар, матырыйааллар наадалар этэ. Оруобуна социальнай хантыраак диэн баарын билэммин,истэммин кыттарга санаммытым.

Кыттаммын, өйөбүл ыламмын, 250 тыһыынча солкуобайы ылан, инструменнарбын, пылесос, эпоксиднай сымалам кырааскаларын атыылаһан, үлэлииргэ усулуобуйа барыта баар буолбута. Хас биирдии үлэбин олус кичэйэн, тупсаран, чочуйан, өр соҕус оҥоробун. Оҥоһуктарым оннук ис сүрэхтэн үлэни эрэйэллэр. Айар үлэ диэн оннук буоллаҕа. Бастакы атыыларым, сакаастарым инникитин өссө күүскэ, айымньылаахтык үлэлиирбэр кынаттыыллар.

Үлэм көрүҥүн кэҥэтиэхпин баҕарабын. Анаан-минээн бу дьарыкпынан үлүһүйэбин. Улууспутугар ураты көрүүлээх, олус үчүгэй хаһаайкалар элбэхтэрэ үөрдэр. Инникитин сакааһынан сылдьан, дьиэ интерьерин тупсаҕай оҥорууга үлэлэһиэм.

Бэйэ дьыалатын саҕалыан баҕалаахтарга судаарыстыба көмөтүнэн туһанан, баҕаҕытын олоххо киллэриҥ, талааҥҥытын бизнеһи кытары дьүөрэлээҥ диэн ыҥырыам этэ, — диэтэ.

Хас биирдии тыа сирин киһитэ дохуоттаах буоларыгар сүрүн болҕомто ууруллар. Онтон биирдэстэрэ — бэйэ дьыалатын саҕалыырга усулуобуйа оҥоруу. Социальнай хантыраакка кыттан, бэйэ дьыалатын саҕалаан, нэһилиэнньэҕэ өҥөнү оҥоруу-дьоһун хардыы. Биһиги улууска бу хайысхаҕа кыттыы кэҥиир, өҥөнү оҥоруу көрүҥэ элбиир.

Валентина Филиппова
Екатерина Николаева
ГАУ РС(Я) «Центр «Мой бизнес»