Новости
Урбаанньык күнэ Чурапчыга
24 сентября 2018

Саха Республикатыгар предпринимательствоны сайыннарыы табыгастаах усулуобуйаларын үөскэтэр, бизнеһинэн үрдүк таһаарыылаахтык дьарыктанар, предпринимательскай үлэ суолтатын үрдэтэр, предпринимателлэр ааттарын-суолларын уопсай билиигэ таһаарыы сыалтан Саха Республикатын бастакы президиэнэ М.Е. Николаев 2001 сыл ахсынньы 13 күнүнээҕи 1626 №-дээх ыйааҕар сөп түбэһиннэрэн Саха Республикатын Предпринимателлэрин күнэ бэлиэтэнэр буолбута.

                                     

Бу ыйаах чэрчитинэн Чурапчы улууһугар балаҕан ыйын 17-21 күнүгэр диэри урбаанньыттарга аналлаах нэдиэлэ ыытылынна, ол курдук, урбаанньыттарга аһаҕас аан, занятость нөҥүө урбаан буолуох баҕалаахтарга, «азбука бизнеса» диэн төгүрүк остуол, Чурапчытааҕы техническай колледж бастакы курс студеннарыгар Квест оонньуу,  балаҕан ыйын 20 күнүгэр Чурапчы улууһугар Барахсанов аатынан сынньалан паркатыгар Чурапчы нэһилиэгин 370 сылын уонна  «Урбаан күнүн» бэлиэтээтибит, «Күһүҥҥү киһи күлбүтүнэн» атыы-эргиэн дьаарбаҥката тэрилиннэ, «Грани таланта» диэн  араас оҥоһуктарга конкурс ыытыллынна,  быйылгы конкурс уратыта диэн урбаанньыттарга эрэ буолбакка, саастарынан хааччахтаабакка элбэх киһи кытынна, кистэлэн талааннар арыллыннылар. Ол курдук Чакыр нэһилиэгин олохтооҕо Матвеева Мария ,,Саха төрдө» ынах муоһуттан оҥоһуллубут, үйэлээх, кэрэ көстүүлээх сувенирдара, «Лучшая авторская работа» диэн номинация, Чурапчы нэһилиэгин олохтооҕо Екечьямов Прокопий, туойтан оҥоһуктара «Создай свой Бренд» номинация, бэйэ дьыалатын тэриммит Чепалов Юрий «Чурапчинский VIP-сувенир» номинация хаһаайыттара буоллулар. Бу күн тэрээһиҥҥэ кыттыбыт, улууспут олохтоохторо паркаҕа, күһүҥҥү киһи күлбүтүнэн диэн мээнэҕэ эппэттэрин, оҕуруот аһын, сибиэһэй эт, балык атыылаһан дуоһуйа атыыластылар, сынньаннылар.

            

Чурапчы  улууьугар предпринимателлэри ейуур киин бэрэстэбиитэлэ Саргылана Атласова

Есть вопрос?
Позвони 8-800-100-58-80