«Арассыыйа үрдүнэн балаһыанньа уларыйда, дьон-сэргэ тыа сиригэр хаһаайыстыбаҕа үлэлээн хамнас аахсар кэмэ кэллэ», — диир оҕуруот аһын үүннэриитинэн дьарыктанар урбаанньыт Светлана Павлова.
Уһун Күөл олохтооҕо Светлана Гаврильевна сылын ахсын аһаҕас халлааҥҥа олорор оҕуруот аһынан (моркуоп, хортуоска, брокколи, сүбүөкүлэ, хаппыыста) олордон нэһилиэнньэни ону таһынан дуогабар быһыытынан оҕо уһуйааннарын, оскуолалары хааччыйар.
1,5 га сиргэ оҕуруот аһын ыһан дьиэ кэргэнинэн саба түһэн үлэлэрин үмүрүтэллэр. Үлүгэр элбэх үүнээйини тиэхиникэ көмөтүнэн олордоллор уонна хомуйаллар.
Ыал аҕа баһылыга Кирилл Николаевич мындыр өйдөөх, саха сатаабатаҕа суох диэн санааннан салайтаран хаһаайыстыба тиэхиникэ өттүн, ууннан хааччылыытын барытын кини дьаһайар бас-көс киһилэрэ буолар.
Быйыл улуус тыа хаһаайыстыбата уонна улуус дьаһалтатын көмөтүнэн Ленскэйтэн сыана аҥаарыгар кэлбит сиэмэ хортуосканы 50 куулу ылан эрдэттэн рассаадалаан экспэримиэн быһыытынан олордоору былаанныыр. Онтон сайын ортотуттан хортуоскатын хомуйан баран сүбүөкүлэ ыһарга былааннанар.
Оһуобай үчүгэй сиэмэ хортуосканы аҕалбыттар диэн үөрүүтүн үллэстэр уонна махталын тириэрдэр.
Светлана Гаврильевна барыта холбоон 19 га сирдээх ону барытын бэлэмнээн, оҕуруот аһа олороругар табыгастаах гына оҥорон баран хаһаайыстыбатын кэҥэттэр баҕа санаалаах. Ону таһынан үүнэйини переработкалыыр туһунан эмиэ толкуйдуур.
Тэлгэһэтигэр 20-чэ ук садовай малина олордон өлгөм үүнүүнү эрэйэр.