Мы готовы ответить на Ваши вопросы
8-800-200-01-12

Общероссийская линия по коронавирусу (круглосуточно)

8-800-550-21-24

Управление Роспотребнадзора по Республике Саха (Якутия) (с 9:00 до 18:00 по якутскому времени)

8-800-222-22-22

Федеральная налоговая служба (с 9:00 до 18:00 по московскому времени)

8-4112-500-567

Управление Федеральной антимонопольной службы Республики Саха (Якутия) (с 09:00 до 18:00 по якутскому времени)

8-800-100-14-03

Министерство здравоохранения Республики Саха (Якутия) (с 09:00 до 18:00 по якутскому времени)

8-4112-50-80-75

По вопросам трудовых отношений

8-800-201-34-30

Торгово-промышленная палата РФ (с 9:00 до 20:00 по московскому времени)

8-800-100-77-88

Горячая линия по вопросам предоставления услуг связи E-YAKUTIA (с 09:00 до 18:00 по якутскому времени)

7-925-054-72-12

Центральный аппарат Росимущества (с 9:00 до 18:00 по московскому времени)

История успеха
Захаровтар өҥөлөрүн Аммаҕа нэһилиэнньэ киэҥник туһанар
28 сентября 2021

Аммаҕа Захаровтар үс көрүҥ өҥөнү оҥорон нэһилиэнньэ махталын ылаллар. Ол курдук эдэр ыал сыыппаранан тиэхиньикэни өрөмүөннүүр, суотабай сибээс үс операторын көмөтүн оҥорор уонна кирэдьиит хампаанньатын кыра кээмэйдээх харчытын кылгас болдьоххо иэс биэрэр.

Аммаҕа улуус киинигэр баар «Орто дойду» атыы — эргиэн киинигэр үс оҕолоох Захаровтар дьиэ кэргэн төрдүс сылларын нэһилиэнньэни кытта үлэлииллэр. Бөтүҥтэн төрүттээх ыал аҕа баһылыга Федор Юрьевич олох — дьаһах коммунальнай хаһаайыстыбатыгар үлэлиирин таһынан бэйэ дьыалатын арыйар баҕата баһыйан, повар технолог идэлээх буолан, маҥнай шашлык бэлэмнэээн холонон көрбүтэ. Ол эрээри эрдэ үлэлии сылдьыбыт тус уопутунан 2013 сылтан саҕалаан төлөпүөн, онтон ноутбук, тэлэбиисэр өрөмүөнүн ордорон күн бүгүҥҥэ диэри дьарыктанар.

Оччолорго эдэр киһи бэйэ дьыалатын тэринэригэр улуустааҕы социальнай көмүскэл салалтата 40 тыһыынча харчынан улахан өйөбүл буолбута. Хара маҥнайгыттан өрөмүөҥҥэ элбэх киһи наадыйара биллибитэ. Соҕотох киһи бириэмэтэ тиийбэт буолан Болугуртан төрүттээх рекламщик, пиарщик идэлээх кэргэнэ Сардаана Юрьевна кыра оҕотун көрө олорор кэмигэр кэргэнигэр көмөлөһөн барбыта. Захаровтары кытта биир хоско дьукаах үлэлии олорбут «СахаСтартЗайм» хампаанньа агена уурайан, сотору кэминэн ыал ийэтэ бу дьыаланы салҕыыр буолбута. Билигин үп – харчы өттүнэн ыктарбыт дьон манна кэлэннэр муҥутаан биир сылга 100 тыһыынча солкуобай харчыны ылыахтарын сөп.

Кэми кытта тэҥҥэ хаамсан иһэр ыал үһүс хайысхаларынан суотабай сибээс МегаФон, Билайн, Йота хампаанньа оператордарыныын килийиэннэри кытта сим — карта боппуруоһунан, алҕас төлөбүрдэри төннөрүүгэ, араас өҥөлөрү холбуурга, араарарга көмө буолаллар, нэһилиэктэргэ баар атыы — эргиэн дьиэлэригэр сим картаны атыылаан олохтоохторго холбоон биэрэллэр, төлөпүөн экранын гидрогелевэй пленканан бүрүйэллэр, дьон атын да кыһалҕаларын быһаараллар. Ити курдук элбэх өҥөнү толорор салоҥҥа билигин элбэх киһи, ордук аҕа саастаах дьон, нэһилэктэр олохтоохторо сылдьаллар, төлөпүөн бытархай аксессуардарын эмиэ атыылаһаллар.

«Билигин хас биирдии киһи төлөпүөннээх, ыал барыта тэлэбиисэрдээх, ноутбук олохпутугар күннэтэ туһанар тэрилбит буолла.

Ол курдук бу тэриллэр үлэлээбэт буолуулара, алданыылара — кээһэниилэрэ тахсара олус элбэх. Биһиэхэ сылга ортотунан тыһыынчаттан тахса сакаас киирэр. Ыксаабыт дьон микроволновка, чаанньык, пульт, манок курдуктар тэриллэрин эмиэ аҕалааччылар. Бириэмэбит тиийбэтинэн биһиги ити тэриллэри ыла сатаабаппыт. Көмөҕө үлэһиттэри тутан көрбүппүт. Ол эрээри өрөмүөн үлэтэ күнү быһа өр тулуйан олорору уонна дьон тэрилигэр улахан эппитэтинэһи ирдиир буолан эдэр дьон кылгастык үлэлээт баран иһэллэр. Өрөмүөнү таһынан дьону кытта төлөпүөн сим — картатын боппуруоһунан эмиэ үлэлиибит. Үһүс хайысхабытынан ыксаабыт дьоҥҥо кылгас болдьохтоох кэмҥэ кыра кээмэйдээх кирэдьиити биэрэбит. Үс үлэни тэҥинэн толорор ыарахаттардаах, ол эрээри эдэр буоламмыт кыах баарынан үлэлиибит. Ыал дьоҥҥо сайын дьиэ – уот ис — тас үлэтэ, түбүгэ элбэх, ол иһин быыстала суох үлэлиир эмиэ уустуктардаах. Биирдэспит судаарыстыбаннай тэрилтэлээҕэ, хамнастааҕа баһаам көмө буолар. Бу тэтиммитин ыһыктыбакка салгыы баран иһэр баҕалаахпыт. Инникитин өрөмүөнү таһынан төлөпүөн атыылыыр, оператор өҥөтүн толорор киини тэринэр эмиэ табыллыан сөп дии саныыбыт.

Эдэр эрдэххэ туохтан да толлубакка сөбүлүүр дьарыгынан, дьон наадыйыытынан үлэлээн иһиэххэ наада», — диэн этэллэр урбаанньыт Захаровтар дьиэ кэргэн.

Алтаана Алексеева, Владимир Колосов